Womens World Cup: చరిత్ర సృష్టించిన మిథాలీరాజ్

టీమిండియా మహిళల జట్టు కెప్టెన్ మిథాలీ రాజ్ చరిత్ర సృష్టించింది. దీంతో ఆస్ట్రేలియా బ్యాటింగ్ దిగ్గజం బెలిండా క్లార్క్ రికార్డ్ బ్రేక్ చేసింది. ఐసీసీ ఉమెన్స్ క్రికెట్ వరల్డ్ కప్ చరిత్రలో అత్యధిక మ్యాచ్‌లకు కెప్టెన్సీ వహించి మిథాలీ రాజ్ రికార్డు క్రియేట్ చేసింది. ఆస్ట్రేలియా కెప్టెన్ బెలిండా ఇప్పటివరకు 23 మ్యాచ్‌లకు కెప్టెన్సీ వహించింది. అయితే న్యూజిలాండ్ వేదికగా సెడన్ పార్క్ స్టేడియం వేదికగా వెస్టిండీస్‌తో జరిగిన మ్యాచ్‌తో 24 మ్యాచ్‌లకు కెప్టెన్సీ వహించిన మిథాలీరాజ్ ఆస్ట్రేలియా కెప్టెన్ బెలిండా రికార్డును దాటేసింది.

ఈ మేరకు మిథాలీ రాజ్ ఐసీసీ ఉమెన్స్ క్రికెట్ వరల్డ్ కప్‌లో అత్యధిక మ్యాచ్‌లకు కెప్టెన్సీ వహించినట్లు ఇంటర్నేషనల్ క్రికెట్ కౌన్సిల్ (ఐసీసీ) ట్విట్టర్ వేదికగా వెల్లడించింది. అటు 23 మ్యాచ్‌లలో బెలిండా 14 మ్యాచ్‌లలో గెలిచి 8 ఓటమికి గురికాగా ఒక్క మ్యాచ్ ఫలితం తేలలేదు. ఆమె కెప్టెన్సీలో 1997, 2005లో రెండు సార్లు ఆసీస్ జట్టు వరల్డ్ కప్ ట్రోఫీ కూడా సాధించింది. ఉమెన్స్ క్రికెట్ వరల్డ్ కప్‌లో ఆ రెండు సీజన్లలోనూ బెలిండా కెప్టెన్సీ వహించిన సమయంలో మిథాలీ కూడా ఇండియా జట్టుకు కెప్టెన్సీ వహించింది.

https://ntvtelugu.com/srilanka-all-out-for-109-runs-in-bangalore-test-against-india/