MI vs KKR: ముంబై-కోల్‌కతా మ్యాచ్‌లో సినీ తారల సందడి.. స్పెషల్ అట్రాక్షన్‌గా ‘ధురంధర్’ బ్యూటీ, వీడియో వైరల్!

ఐపీఎల్ 2026లో భాగంగా ఆదివారం వాంఖడే స్టేడియంలో ముంబై ఇండియన్స్, కోల్‌కతా నైట్ రైడర్స్ మధ్య మ్యాచ్ జరిగింది. బాలీవుడ్‌కు అడ్డా అయిన ముంబైలో మ్యాచ్ జరగడంతో వాంఖడేలో సినీ గ్లామర్ ప్రత్యేక ఆకర్షణగా నిలిచింది. ‘ధురంధర్’ బ్యూటీ సారా అర్జున్ తన కుటుంబంతో కలిసి ఈ మ్యాచ్‌ను వీక్షించారు. ముంబై జెర్సీ ధరించిన సారా.. మ్యాచ్ ముందు స్టేడియం బయట ఫొటోలకు ఫోజులిచ్చారు. ఇందుకు సంబంధించిన వీడియోస్, ఫొటోస్ సోషల్ మీడియాలో వైరల్ అయ్యాయి.

ముంబై-కోల్‌కతా మ్యాచ్‌కు షారుఖ్ ఖాన్ తనయ సుహానా ఖాన్, బాలీవుడ్ హీరోయిన్ అనన్య పాండే కూడా వచ్చారు. అయితే అందరిలో కెల్లా సారా అర్జు స్పెషల్ అట్రాక్షన్‌గా నిలిచారు. వాంఖడే స్టేడియంలో ఆమెను చూసిన ఫాన్స్ ‘ధురంధర్’ అంటూ కేకలు వేశారు. అభిమానులకు ఆమె ధన్యవాదాలు చెప్పారు. ముంబై బౌలింగ్ సమయంలో కాస్త నిరాశలో ఉన్న సారా.. బ్యాటింగ్ సమయంలో తెగ ఎంజాయ్ చేశారు. ముఖ్యంగా రోహిత్ శర్మ సిక్సులు కొడుతుంటే మైదానంలో ఎగిరి గంతులేశారు. ఫాన్స్ కూడా ఆమెను చూస్తూ మైమరచిపోయారు.

ఇటీవల విడుదలైన ధురంధర్ 2 చిత్రంలో యాలినా పాత్రలో సారా అర్జున్ నటించారు. సారా ప్రస్తుతం కెరీర్‌లో ఉన్నత స్థాయిని ఆస్వాదిస్తున్నారు. రణవీర్ సింగ్ హీరోగా నటించిన ఈ చిత్రం బాక్సాఫీస్ వద్ద భారీ విజయాన్ని సాధించింది. మార్చి 19న విడుదలైన ఈ సినిమా దేశీయంగా రూ.700 కోట్లకు పైగా.. ప్రపంచవ్యాప్తంగా రూ.1100 కోట్లకు పైగా వసూళ్లు సాధించి సంచలనం సృష్టించింది. ధురంధర్ మొదటి పార్ట్ కూడా రూ.1300 కోట్లకు పైగా వసూళ్లు సాధించింది. ఈ భారీ విజయంతో సారాకు వరుస ఆఫర్స్ వస్తున్నాయి.

Sara Arjun dhurandar actress With her Dad and mom at wankhede stadium to support Rohit Sharma and mumbai Indians.💙 pic.twitter.com/OuvFUDNsho

— 𝐑𝐮𝐬𝐡𝐢𝐢𝐢⁴⁵ (@rushiii_12) March 29, 2026