Ishan Kishan: ఇషాన్ కిషన్ సరికొత్త రికార్డు.. కోహ్లీ, అభిషేక్‌లను వెనక్కి నెట్టి.. భారత తరఫున రెండో బ్యాటర్‌గా!

Ishan Kishan Record: టీమిండియా వికెట్ కీపర్ బ్యాటర్ ఇషాన్ కిషన్ అరుదైన ఘనత సాధించాడు. ఒక క్యాలెండర్ ఇయర్‌లో భారత్ తరఫున టీ20ల్లో అత్యధిక పరుగులు చేసిన బ్యాటర్ల జాబితాలో రెండో స్థానానికి చేరుకున్నాడు. అఫ్గానిస్థాన్‌తో మంగళవారం ఢిల్లీలో జరిగిన రెండో టీ20లో ఇషాన్ 23 బంతుల్లో 38 పరుగులు చేయడంతో ఈ రికార్డు అతడి ఖాతాలో చేరింది. 2026లో ఇషాన్ అద్భుతమైన ఫామ్‌లో ఉన్నాడు. ఈ ఏడాది ఇప్పటివరకు టీ20ల్లో 173.2 స్ట్రైక్‌రేట్‌తో ఏకంగా 892 పరుగులు చేశాడు. దీంతో ఒక క్యాలెండర్ ఇయర్‌లో భారత్ తరఫున టీ20ల్లో అత్యధిక పరుగులు చేసిన ఆటగాళ్ల జాబితాలో రెండో స్థానాన్ని సొంతం చేసుకున్నాడు.

ఈ జాబితాలో టీమిండియా స్టార్ బ్యాటర్, మిస్టర్ 360 సూర్యకుమార్ యాదవ్ అగ్రస్థానంలో ఉన్నాడు. 2022లో సూర్యకుమార్ అద్భుతమైన బ్యాటింగ్‌తో 1,164 పరుగులు చేశాడు. ఆ ఏడాది అతడి స్ట్రైక్‌రేట్ 187.43గా ఉండటం విశేషం. ప్రస్తుతం ఇషాన్ కిషన్ 892 పరుగులతో రెండో స్థానంలో కొనసాగుతున్నాడు. టీమిండియా యువ ఓపెనర్ అభిషేక్ శర్మ మూడో స్థానంలో ఉన్నాడు. 2025లో 859 పరుగులు చేయగా.. అతడి స్ట్రైక్‌రేట్ 193.46గా ఉంది. భారత మాజీ కెప్టెన్ విరాట్ కోహ్లీ 781 పరుగులు చేయగా.. అదే ఏడాది సూర్యకుమార్ 1,164 పరుగులతో అగ్రస్థానంలో నిలిచాడు. ఇషాన్ కిషన్ 2026లో 892 పరుగులు చేయడంతో అభిషేక్, కోహ్లీ రికార్డును అధిగమించాడు. ఇక 2023లో సూర్యకుమార్ మరోసారి 733 పరుగులు చేసి టాప్-5లో చోటు సంపాదించాడు.

ఒక క్యాలెండర్ ఇయర్‌లో భారత్ తరఫున అత్యధిక పరుగులు:
1,164 – సూర్యకుమార్ యాదవ్, 2022 (స్ట్రైక్‌రేట్ 187.43)
892 – ఇషాన్ కిషన్, 2026 (స్ట్రైక్‌రేట్ 173.20)
859 – అభిషేక్ శర్మ, 2025 (స్ట్రైక్‌రేట్ 193.46)
781 – విరాట్ కోహ్లీ, 2022 (స్ట్రైక్‌రేట్ 138.23)
733 – సూర్యకుమార్ యాదవ్, 2023 (స్ట్రైక్‌రేట్ 155.95)