Tilak Varma: తొలి 19 బంతుల్లో 0.. తర్వాతి 23 బంతుల్లో విధ్వంసం.. తిలక్ బ్యాటింగ్ సాగిందిలా!
- తెలుగు కుర్రాడు తిలక్ వర్మ అద్భుతమైన ఇన్నింగ్స్
- 45 బంతుల్లో 101 పరుగులు చేసి నాటౌట్
- తిలక్ బ్యాటింగ్లో మార్పు, ఓర్పు ప్రత్యేకం
- Follow Us :
-
-
Add as a preferred
source on google
ఐపీఎల్ 2026లో గుజరాత్ టైటాన్స్తో జరిగిన మ్యాచ్లో ముంబై ఇండియన్స్ యువ బ్యాటర్, తెలుగు కుర్రాడు తిలక్ వర్మ అద్భుతమైన ఇన్నింగ్స్తో ఆకట్టుకున్నాడు. కేవలం 45 బంతుల్లోనే 101 పరుగులు చేసి నాటౌట్గా నిలిచాడు. వరుస వికెట్స్ కోల్పోయి కష్టాల్లో ఉన్న ముంబైని తిలక్ ఒంటిచేత్తో ఆదుకున్నాడు. ముందుగా హాఫ్ సెంచరీ, ఆపై సెంచరీ చేసి.. ముంబై భారీ స్కోర్ చేయడంలో కీలక పాత్ర పోషించాడు. తన కెరీర్లోనే అత్యుత్తమ ఇన్నింగ్స్లలో ఇది నిలిచింది. ముఖ్యంగా తిలక్ బ్యాటింగ్లో మార్పు, ఓర్పు ప్రత్యేకంగా నిలిచింది. నెమ్మదిగా మొదలైన ఇన్నింగ్స్.. తుఫానుగా మారింది.
మొదటి 19 బంతుల్లో తిలక్ వర్మ చాలా జాగ్రత్తగా ఆడాడు. ఒక్క బౌండరీ కూడా లేకుండా సింగిల్స్, డబుల్స్తో ఇన్నింగ్స్ను ముందుకు తీసుకెళ్లాడు. 19 బంతుల్లో 19 పరుగులే చేశాడు. ఈ సమయంలోక్రీజ్లో నిలబడటం, పిచ్ పరిస్థితిని అర్థం చేసుకోవడం అతని ప్రధాన లక్ష్యంగా కనిపించింది. ఒత్తిడిలో ఉన్న జట్టుకు స్థిరత్వం ఇవ్వాలనే ఉద్దేశంతో తిలక్ ఆచితూచి ఆడాడు. అయితే ఆ తర్వాత తిలక్ రెచ్చిపోవడంతో.. మ్యాచ్ రూపమే మారిపోయింది. తదుపరి 23 బంతుల్లో 8 ఫోర్లు, 7 సిక్సులు బాదుతూ గుజరాత్ బౌలర్లపై విరుచుకుపడ్డాడు. ఒక్కసారిగా రన్రేట్ పెంచి మ్యాచ్ను ముంబై వైపు తిప్పాడు. తిలక్ టైమింగ్, షాట్ సెలక్షన్, పవర్ హిట్టింగ్ ప్రేక్షకులను ఉర్రూతలూగించాయి.
Also Read: Hardik Pandya: టైమ్అవుట్ సమయంలో తల తిరిగింది.. హార్దిక్ పాండ్య సంచలన వ్యాఖ్యలు!
తిలక్ వర్మ ఇన్నింగ్స్లో ప్రత్యేకత ఏమిటంటే.. ప్రారంభంలో ఓపికగా ఆడి, సెట్ అయిన తర్వాత ఎదురుదాడి చేయడం. ఇదే గొప్ప బ్యాటర్ల లక్షణం. పరిస్థితులకు అనుగుణంగా తన ఆటను మార్చుకుని జట్టుకు అవసరమైన సమయంలో భారీ స్కోరు అందించాడు. తిలక్ ఆడిన ఈ ఇన్నింగ్స్ నిజంగా అద్భుతం. ఈ ఇన్నింగ్స్తో ముంబై ఇండియన్స్కు కీలక విజయం దక్కగా.. తిలక్ తనపై ఉన్న నమ్మకాన్ని మరోసారి నిరూపించుకున్నాడు. భవిష్యత్తులో భారత జట్టుకు కూడా అతను కీలక ఆటగాడిగా మారనున్నాడు.