RCB vs RR Eliminator 2024: బెంగళూరు ఓటమిపై సెటైర్.. చెన్నై ఆటగాడిపై తీవ్ర విమర్శలు!
CSK Player Tushar Deshpande Trolls RCB: ఐపీఎల్ 17వ సీజన్లో రాయల్ ఛాలెంజర్స్ బెంగళూరు (ఆర్సీబీ) కథ ముగిసింది. ఐపీఎల్ 2024లో భాగంగా బుధవారం అహ్మదాబాద్ వేదికగా రాజస్థాన్ రాయల్స్తో జరిగిన ఎలిమినేటర్ మ్యాచ్లో ఆర్సీబీ 4 వికెట్ల తేడాతో ఓడి టోర్నీ నుంచి నిష్క్రమించింది. ఈ విజయంతో రాజస్థాన్ రెండో క్వాలిఫయర్కు దూసుకెళ్లింది. ఆర్సీబీ ఓటమితో ఆ జట్టు ఫాన్స్ తీవ్ర నిరాశకు గురయ్యారు. అయితే ఎలిమినేటర్ మ్యాచ్లో రాజస్థాన్ చేతిలో ఓటమిపాలైన ఆర్సీబీను ఉద్దేశించి.. చెన్నై సూపర్ కింగ్స్ ఆటగాడు తుషార్ దేశ్పాండే పెట్టిన పోస్టు సోషల్ మీడియాలో దుమారం రేపుతోంది.
Also Read: Gold Rate Today: మగువలకు శుభవార్త.. తులం బంగారంపై ఏకంగా రూ.1000 తగ్గింది!
‘సీఎస్కే ఫ్యాన్స్ అఫీషియల్’ అనే ఖాతాలోని ఓ ఇమేజ్ను తుషార్ దేశ్పాండే తన ఇన్స్టాగ్రామ్ స్టోరీగా పెట్టాడు. బెంగళూరు కంటోన్మెంట్ రైల్వే స్టేషన్ ఫోటో పెట్టి.. బెంగళూరు కాంట్ అని పేర్కొన్నాడు. ఆర్సీబీ ఐపీఎల్ టైటిల్ గెలవలేదు అని దేశ్పాండే హేళన చేశాడు. ఇది చూసిన ఆర్సీబీ ఫాన్స్ అతడిపై ఆగ్రహం వ్యక్తం చేశారు. తమను ఓడించిన జట్టుపై ఇలాంటి వ్యాఖ్యలు చేసి ఆనందపడుతున్నారని కొందరు కామెంట్లు పెట్టారు. దీంతో వెంటనే తన ఇన్స్టాగ్రామ్ స్టోరీని దేశ్పాండే డిలీట్ చేశాడు. అయితే అప్పటికే కొందరు స్క్రీన్షాట్లు తీయడంతో.. ఆ పిక్స్ వైరల్గా మారాయి.
Tushar Deshpande 😭😭😭 pic.twitter.com/vcVev7crQq
— Heisenberg ☢ (@internetumpire) May 22, 2024