RR vs DC: జస్ట్ మిస్! బ్యాట్తో కుల్దీప్ ముఖం పగులగొట్టబోయిన జడేజా.. ఒక్క క్షణం అంతా గందరగోళం!(వీడియో)
RR vs DC: రవీంద్ర జడేజా గురించి పెద్దగా చెప్పనవసరం లేదు. అందరి ప్లేయర్స్తో ఎంతో సరదాగా ఉంటాడు. ఈ ఆల్రౌండర్ను మిగతా ప్లేయర్స్ తెగ ఇష్టపడుతుంటారు. అయితే.. తాజాగా జడేజాకు సంబంధించిన ఓ వీడియో సోషల్ మీడియాలో చెక్కర్లు కొడుతోంది. జైపూర్లోని సవాయ్ మాన్ సింగ్ స్టేడియంలో శుక్రవారం రాజస్థాన్ రాయల్స్, ఢిల్లీ క్యాపిటల్స్ మధ్య పోరు కొనసాగింది. ఈ మ్యాచ్లో ఓ ఆసక్తికర సంఘటన చోటుచేసుకుంది. కుల్దీప్ యాదవ్, రవీంద్ర జడేజా మధ్య జరిగిన సరదా సన్నివేశం క్షణకాలం పాటు అందరినీ ఉలిక్కిపడేలా చేసింది.
రవీంద్ర జడేజా క్రీజులోకి వచ్చిన సమయంలో ఢిల్లీ స్పిన్నర్ కుల్దీప్ యాదవ్తో సరదాగా ఆటపట్టించే ప్రయత్నం చేశాడు. ఈ క్రమంలో జడేజా తన బ్యాట్ను కుల్దీప్ ముఖం వైపు తిప్పగా, అది చాలా దగ్గరగా వెళ్ళింది. ఒక్క సెకను ఆలస్యమైనా అది కుల్దీప్కు బలంగా తగిలే ప్రమాదం ఉండేది. కానీ కుల్దీప్ వెంటనే వెనక్కి తగ్గడంతో పెను ప్రమాదం తప్పింది. అయితే వీరిద్దరి మధ్య ఉన్న సాన్నిహిత్యం కారణంగా, ఆ మరుక్షణమే ఇద్దరూ నవ్వుకుంటూ కనిపించడంతో స్టేడియంలోని వారంతా ఊపిరి పీల్చుకున్నారు. ఈ సరదా సన్నివేశానికి సంబంధించిన వీడియోను ‘స్టార్ స్పోర్ట్స్ ఇండియా’ సోషల్ మీడియాలో షేర్ చేస్తూ, “మస్తీ ఆగకూడదు” (Masti shouldn’t stop) అనే క్యాప్షన్ను జోడించింది. మైదానంలో ప్రత్యర్థులుగా ఉన్నప్పటికీ, బయట వీరిద్దరి మధ్య ఉన్న అన్నదమ్ముల వంటి బంధాన్ని నెటిజన్లు మెచ్చుకుంటున్నారు. ఇక కుల్దీప్ యాదవ్ రవీంద్ర జడేజాను తన పెద్దన్నలా భావిస్తారు. ఇటీవల లక్నోలో జరిగిన కుల్దీప్ వెడ్డింగ్ రిసెప్షన్కు జడేజా తన భార్య రివాబాతో కలిసి హాజరై తన స్నేహాన్ని చాటుకున్నారు. మైదానంలో ఎంతటి తీవ్రమైన పోటీ ఉన్నా, టీమ్ ఇండియా సీనియర్, జూనియర్ల మధ్య ఉండే ఇటువంటి ఆత్మీయ సంబంధాలు క్రీడాభిమానుల మనసు గెలుచుకుంటున్నాయి.