Vaibhav Sooryavanshi: అది బ్యాటింగ్ కాదు.. వైభవ్ బ్యాట్‌లో ఏదో ఉంది.. కీలక వ్యాఖ్యలు చేసిన సీనియర్ ఆటగాళ్లు..

ఐపీఎల్ 2026 ఎలిమినేటర్ మ్యాచ్‌లో సన్‌రైజర్స్ హైదరాబాద్ (SRH), రాజస్థాన్ రాయల్స్ (RR) జట్ల మధ్య జరిగిన పోరు తీవ్ర చర్చనీయాంశమైంది. ఈ మ్యాచ్‌లో రాజస్థాన్ రాయల్స్ యువ సంచలనం వైభవ్ సూర్యవంశీ విధ్వంసకర బ్యాటింగ్‌తో చెలరేగాడు. కేవలం 29 బంతుల్లోనే 12 సిక్సర్ల సాయంతో 97 పరుగులు చేసి క్రికెట్ ప్రపంచాన్ని ఆశ్చర్యపరిచాడు. ఈ క్రమంలోనే ఒకే ఐపీఎల్ సీజన్‌లో అత్యధిక సిక్సర్లు కొట్టిన క్రిస్ గేల్ రికార్డును సూర్యవంశీ బద్దలు కొట్టాడు. అంతేకాదు, గేల్ పేరిట ఉన్న వేగవంతమైన టీ20 సెంచరీ రికార్డుకు కేవలం మూడు పరుగుల దూరంలో నిలిచి దురదృష్టవశాత్తూ అవుటయ్యాడు.

అయితే, సూర్యవంశీని అవుట్ చేసిన తర్వాత సన్‌రైజర్స్ హైదరాబాద్ ఫాస్ట్ బౌలర్ ప్రఫుల్ హింగే జరుపుకున్న దూకుడు సెలబ్రేషన్ సోషల్ మీడియాలో వివాదానికి దారితీసింది. హింగే ఆ యువ బ్యాటర్‌ వైపు తిరిగి, కళ్లలోకి చూస్తూ చేసిన అతిగా ప్రవర్తించడం చాలా మంది అభిమానులకు నచ్చలేదు. ఆ మ్యాచ్‌లో బౌలర్లందరినీ ఉతికారేసిన సూర్యవంశీపై అంతటి ‘అతి’ సెలబ్రేషన్ అవసరం లేదంటూ నెటిజన్లు హింగేపై మండిపడుతున్నారు.

Praful Hinge celebrated passionately after taking the prized wicket of Vaibhav Sooryavanshi. But Vaibhav remained standing far away from the crease, completely shattered and unable to process that he had fallen on 97. Even Abhishek Sharma came over to console the young batter… pic.twitter.com/YGa0PkRBo1

— Faruk (@uf2151593) May 27, 2026

Praful Hinge was absolutely shameless. He was mocking Vaibhav Sooryavanshi after getting him out, while Ishan Kishan and Abhishek Sharma were appreciating Vaibhav 🫡❤️ pic.twitter.com/UixPUQoNvw

— Indian Cricket Ministry (@ICM_News45) May 28, 2026

The celebration by Praful Hinge after getting Vaibhav Sooryavanshi. pic.twitter.com/rpLziBQJrY

— Mufaddal Vohra (@mufaddal_vohra) May 27, 2026

మరోవైపు, ఈ 15 ఏళ్ల టీనేజ్ సంచలనం వైభవ్ సూర్యవంశీ ఆటతీరుపై క్రికెట్ దిగ్గజాలు ప్రశంసల వర్షం కురిపించారు. మాస్టర్ బ్లాస్టర్ సచిన్ టెండూల్కర్ ఎక్స్ (ట్విట్టర్) వేదికగా స్పందిస్తూ.. “సూర్యవంశీ బ్యాట్ స్వింగ్ అద్భుతంగా ఉంది. లెగ్ సైడ్ వచ్చే బంతులను ఆడేందుకు అతను ఫ్రంట్ ఫుట్‌ను పక్కకు జరిపి ఆడే విధానం మరింత విశేషమైనది. ఈ స్వేచ్ఛే అతన్ని ఇలా ఆడేలా చేస్తోంది. ఇదొక అద్భుతమైన ఇన్నింగ్స్” అని కొనియాడారు. అంతే కాదు.. అతడు బ్యాటింగ్ చేస్తున్న సమయంలో ఆ బ్యాట్లో ఏదో స్ప్రింగ్ పెట్టుకొని వచ్చాడా అనే రేంజిలో బ్యాంటింగ్ ఉందంటూ చమత్కరించారు.

భారత మాజీ స్టార్ ఆల్‌రౌండర్ యువరాజ్ సింగ్ కూడా “బాస్ బేబీ (సూర్యవంశీ) వరల్డ్ బాస్ రికార్డును బద్దలు కొట్టాడు. ఈ కిడ్ ఆటను చూడటం నమ్మశక్యం కాని అనుభూతి” అని ట్వీట్ చేశాడు. అలాగే సురేష్ రైనా స్పందిస్తూ.. “ఈ టోర్నమెంట్‌లో వైభవ్ చేసిన దాన్ని వర్ణించడానికి డిక్షనరీలో పదాలు సరిపోవు. అతని బ్యాటింగ్ చూడటానికి ప్రజలు ఎదురుచూస్తున్నారంటేనే భారత క్రికెట్ భవిష్యత్తు సురక్షితమైన చేతుల్లో ఉందని అర్థమవుతోంది” అని ప్రశంసించారు.