Jasprit Bumrah: దిగ్గజాలను వెనక్కినెట్టి.. ఐసీసీ క్రికెటర్ ఆఫ్ ద ఇయర్‌గా బుమ్రా అరుదైన రికార్డ్

క్రికెట్ హిస్టరీలో జస్ప్రీత్ బుమ్రా సరికొత్త అధ్యాయానికి తెరలేపాడు. రేర్ ఫీట్లను అందుకుంటూ చరిత్ర సృష్టిస్తున్నాడు. ఫాస్ట్ బౌలర్ గా టీమిండియా విజయంలో కీలకపాత్ర పోషిస్తున్నాడు. నిప్పులు చెరిగే బంతులతో ప్రత్యర్థి జట్ల ఆటకట్టిస్తూ టీమిండియాను విజయతీరాలకు చేర్చడంలో బుమ్రా దిట్ట. కాగా ఇటీవల బుమ్రా ఐసీసీ మెన్స్ టెస్ట్ క్రికెటర్ ఆఫ్ ద ఇయర్ అవార్డ్ అందుకున్న విషయం తెలిసిందే. ఇప్పుడు ఇంటర్నేషనల్ క్రికెట్ కౌన్సిల్ మరోసారి బుమ్రాను ఐసీసీ క్రికెటర్ ఆఫ్ ద ఇయర్ గా ఎంపిక చేసింది.

ప్రతిష్టాత్మకమైన సర్ గ్యారీఫీల్డ్ సోబర్స్ ట్రోఫికి బుమ్రా ఎంపికయ్యాడు. ఈ విషయాన్ని మంగళవారం (జనవరి 28) ఐసీసీ ప్రకటించింది. ట్రావిస్ హెడ్, జో రూట్, హ్యారీ బ్రూక్ లాంటి దిగ్గజ క్రికెటర్లను వెనక్కి నెట్టి బుమ్రా ఈ అవార్డును సొంతం చేసుకున్నాడు. గతంలో ఈ సర్ గ్యారీఫీల్డ్ సోబర్స్ అవార్డును రాహుల్ ద్రవిడ్ (2004), సచిన్ టెండూల్కర్ (2010), అశ్విన్ (2016), విరాట్ కోహ్లి (2017, 2018) గెలుచుకున్నారు.

గతేడాది క్రికెట్ లో అత్యుత్తమ ప్రతిభకనబర్చినందుకుగాను బుమ్రాకు ఈ అవార్డులు దక్కాయి. కాగా గతేడాది బుమ్రా టెస్టుల్లో అద్భుతమైన పర్పామెన్స్ ఇచ్చాడు. 13 టెస్టు మ్యాచుల్లో బౌలింగ్ చేసి ఏకంగా 71 వికెట్స్ తన ఖాతాలో వేసుకున్నాడు. ఈ అరుదైన గౌరవాన్ని దక్కించుకున్న తొలి భారత పేసర్ గా బుమ్రా హిస్టరీ క్రియేట్ చేశాడు. బుమ్రాపై క్రికెట్ లవర్స్ తో పాటు సహచర ఆటగాళ్లు అభినందనలు తెలుపుతూ ప్రశంసల వర్షం కురిపిస్తున్నారు.

An unforgettable year for the irrepressible Jasprit Bumrah, who claims the Sir Garfield Sobers Trophy for 2024 ICC Men’s Cricketer of the Year 🙌 pic.twitter.com/zxfRwuJeRy

— ICC (@ICC) January 28, 2025