IPL 2023 : ముంబై ఇండియన్స్ ముందు భారీ టార్గెట్

ప్లేఆఫ్స్ ఆశలు సన్నగిల్లుతున్న వేళ తప్పక గెలవాల్సిన మ్యాచ్ లో ముంబై ఇండియన్స్ బౌలర్లు మరోసారి విఫలమయ్యారు. సన్ రైజర్స్ హైదరాబాద్ ఓపెనర్లు మయాంక్ అగర్వాల్ (46 బంతుల్లో 83, 8 ఫోర్లు, 4 సిక్సర్లు), తొలి ఐపీఎల్ మ్యాచ్ ఆడుతున్న వివ్రాంత్ శర్మ (47 బంతుల్లో 69, 9 ఫోర్లు, 2 సిక్సర్లు) దంచికొట్టడంతో ఎస్ ఆర్ హెచ్ భారీ స్కోరు చేసింది. ఈ ఇ్దదరూ తొలి వికెట్‌కు 140 పరుగులు జోడించారు. ఇన్నింగ్స్ చివర్లో హైదరాబాద్ బ్యాటర్లు తడబడ్డారు. లేకపోతే.. 230 ప్లస్ టార్గెట్ పక్కా అనుకున్న ఈ మ్యాచ్ లో ఎస్ఆర్‌హెచ్‌ నిర్ణీత 20 ఓవర్లలో ఐదు వికెట్లు నష్టపోయి.. 200 పరుగులు చేసింది. ఈ లక్ష్యాన్ని ముంబై.. 70 బంతులు మిగిలుండగా ఛేదిస్తేనే ఆర్సీబీ కంటే మెరుగైన నెట్ రన్ రేట్ వస్తుంది.

Also Read : Viral : ఇన్‌స్టాగ్రామ్ రీల్ కోసం.. పోలీస్ జీప్‌పై డ్యాన్స్

టాస్ ఓడి బ్యాటింగ్ కు వచ్చిన సన్ రైజర్స్ హైదరాబాద్.. ఈ మ్యాచ్ లో కూడా ఓపెనింగ్ జోడీని మార్చింది. మయాంక్ అగర్వాల్ కు తోడుగా వివ్రంత్ శర్మను తీసుకు వచ్చింది. ఈ సీజన్ మొత్తం దారుణంగా విఫలమైన హైదరాబాద్ ఓపెనింగ్ పెయిర్ ప్రయోగం ఈసారి మాత్రం సూపర్ సక్సెస్ అయింది. ఈ ఇద్దరూ కలిసి 13.5 ఓవర్లలోనే 140 పరుగుల భాగస్వామ్యం చేసింది. ఈ సీజన్ లో ఏ వికెట్ కు అయినా హైదరాబాద్ కు ఇదే హయ్యస్ట్ పార్ట్‌నర్‌షిప్ కావడం విశేషం.

Also Read : Uttarakhand: ముస్లిం వ్యక్తితో బీజేపీ నేత కుమార్తె వివాహం.. సోషల్ మీడియాలో పెళ్లి పత్రిక వైరల్.. పెళ్లి రద్దు..

పవర్ ప్లే లో ఈ ఇద్దరూ ఒకరికి మించి ఒకరు ముంబై బౌలర్లను ఓ ఆటాడుకున్నారు. ఓవర్ కు రెండు ఫోర్లకు తగ్గకుండా ఈ ఇద్దరూ బ్యాటర్లు విధ్వంసం సృష్టించారు. హైదరాబాద్ ఇన్నింగ్స్ రెండో ఓవర్లో తప్ప ఏడో ఓవర్ వరకూ మిగిలిన ప్రతీ ఓవర్లో ఈ ఇద్దరూ బంతిని బౌండరీ లైన్ దాటించారు. క్రిస్ జోర్డాన్ వేసిన పదో ఓవర్లో వివ్రాంత్ రెండు ఫోర్లు కొట్టి.. ఐదో బాల్ కు సింగిల్ తీసి 36 బంతుల్లోనే అర్థ సెంచరీ చేశాడు. ఈ క్రమంలో అతి పిన్నవయస్సులోనే ఎస్ఆర్‌హెచ్ తరఫున హాఫ్ సెంచరీ చేసిన ఆటగాళ్లలో ప్రియమ్ గార్గ్ (19 ఏండ్ల 307 రోజులు), అభిషేక్ శర్మ (21 ఏండ్ల 217 రోజులు) తర్వాత వివ్రంత్ (23 ఏండ్ల 203 రోజులు) నిలిచాడు.

Also Read : Music Director Raj: బిగ్ బ్రేకింగ్.. రాజ్- కోటి ద్వయంలో రాజ్ ఇకలేరు

సన్ రైజర్స్ స్కోరును పరుగులు పెట్టించిన వివ్రాంత్‌ శర్మను ఆకాశ్ మధ్వల్ ఎట్టకేలకు 14వ ఓవర్లో అవుట్ చేశాడు. వివ్రాంత్ ఔటయ్యాక కూడా రెండు సిక్సర్లు, ఓ ఫోర్ కొట్టిన మయాంక్ కూడా మధ్వల్ వేసిన 17వ ఓవర్లో నాలుగో బాల్ కు కీపర్ ఇషాన్ కిషన్ కు క్యాచ్ ఇచ్చి పెవిలియన్ బాట పట్టాడు. జోర్డాన్ వేసిన 18వ ఓవర్లో గ్లెన్ ఫిలిప్స్ (1) ఔట్ అయ్యాడు. బ్యాటింగ్ ఆర్డర్లో ముందుకొచ్చిన హెన్రిచ్ క్లాసెన్ (18), హ్యారీ బ్రూక్ (0) లు ఫెయిల్ అయ్యారు. ఓపెనర్లు ఇచ్చిన శుభారంభాన్ని చివర్లో వికెట్లు ఉన్నా హైదరాబాద్ బ్యాటర్లు భారీ స్కోర్ గా మలుచుకోలేకపోయారు. ముంబై యువ బౌలర్ ఆకాశ్ మధ్వల్ కు నాలుగు వికెట్లు దక్కాయి.