టాలీవుడ్లో పక్కింటి అబ్బాయి పాత్రలకు కేరాఫ్ అడ్రస్గా మారిన సంతోష్ కపుల్ ఫ్రెండ్లీ మూవీ రివ్యూ
శోభన్, ఈసారి వాలెంటైన్స్ డే సందర్భంగా ‘కపుల్ ఫ్రెండ్లీ’ అనే సినిమాతో ప్రేక్షకుల ముందుకు వచ్చాడు. సరైన కమర్షియల్ సక్సెస్ కోసం కళ్ళు కాయలు కాచేలా ఎదురుచూస్తున్న సంతోష్కు ఈ చిత్రం ఎలాంటి ఫలితాన్ని ఇచ్చింది? మానస వారణాసి నటన ఎలా ఉంది? ప్రేక్షకులను ఎంతవరకు ఆకట్టుకున్నారు అనే విషయాలు ఇప్పుడు రివ్యూలో చూద్దాం.
కథా నేపథ్యం:
నెల్లూరుకు చెందిన శివ (సంతోష్ శోభన్) ఒక స్ట్రగ్లింగ్ ఇంటీరియర్ డిజైనర్. ఖాళీగా తిరుగుతున్నాడనే తండ్రి కోపం, ప్రేయసి బ్రేకప్ చెప్పడం లాంటి పరిస్థితుల్లో తన అదృష్టాన్ని వెతుక్కుంటూ చెన్నైకి చేరుకుంటాడు. అక్కడ కష్టాల్లో ఉన్న అతనికి మిత్ర (మానస వారణాసి) పరిచయమవుతుంది. పరిస్థితుల ప్రభావంతో వీరిద్దరూ ఒకే రూమ్లో కూడా ఉండాల్సి వస్తుంది. ఒకరికొకరు తోడుగా ఉంటూ ఇంటీరియర్ డిజైనింగ్ కంపెనీని ప్రారంభిస్తారు. ఇద్దరి మధ్య ప్రేమ చిగురిస్తుంది. అంతా సాఫీగా సాగుతున్న సమయంలో మిత్ర జీవితంలో ఒక ఊహించని మలుపు ఎదురవుతుంది. ఆ సమస్య ఏమిటి? శివ దాన్ని ఎలా స్వీకరించాడు? అనేదే మిగతా కథ.
విశ్లేషణ:
ఓ నిరుద్యోగ యువకుడు, ఖాళీగా ఉంటున్నాడనే కారణంతో తండ్రితో అను నిత్యం చివాట్లు, గర్ల్ఫ్రెండ్ బ్రేకప్తో నెల్లూరులో మొదలైన కథ చెన్నైకి షిప్ట్ అవుతుంది. హీరోయిన్ తో పరిచయం తర్వాత వీరి ప్రేమ, లివిన్ రిలేషన్, ఫిజికల్ కాంటాక్ట్, మరో పక్క ఉద్యోగం, బాధ్యతలు కాస్తంత సీరియస్గా సాగినా ఆడియన్స్కు కనెక్ట్ అయ్యేలా రాసుకున్నాడు దర్శకుడు. నిజానికి ఫస్టాఫ్ లో హీరోహీరోయిన్లు బైక్ మీద తిరుగుతూనే కనిపిస్తారు కానీ ఎక్కడా బోర్ కొట్టవు. అయితే పీక లోతు ప్రేమలో మునిగిపోయిన తరువాత శివకు వేరే అమ్మాయితో మిత్రకు మరో అబ్బాయి తో పెళ్లి అంటూ పెద్దల ఎంట్రీ, ఆపైన హీరోయిన్ వైపు నుండి మరో పెద్ద షాక్ తగలడంతో కథ మరింత ఆసక్తి పెరుగుతుంది. హీరోహీరోయిన్లు ఒకే ఇంట్లో ఉండటం ప్రేమలో పడటం పెళ్లి వరకూ వెళ్లడం లాంటి కథలు టాలీవుడ్లో చాలానే వచ్చాయి ఇది కూడా అదేదో కోవలో సాగుతుంది కానీ కొంత ట్విస్ట్ తో.
నటీనటుల పనితీరు:
సంతోష్ శోభన్ శివ పాత్రలో జీవించాడని చెప్పొచ్చు. నిరాశ, నిస్పృహలను పండించడంలో తనదైన మార్కు చూపించాడు. ముఖ్యంగా హాస్పిటల్ సీన్లలో అతని నటన ఎంతో పరిణతితో కూడి ఉంది. తన కెరీర్లో ఇది వన్ ఆఫ్ ది బెస్ట్ పెర్ఫార్మెన్స్. మానస వారణాసి మిత్ర పాత్రలో ఆశ్చర్యపరిచింది. తన మునుపటి చిత్రంతో పోలిస్తే, ఇందులో ఎమోషనల్ సీన్లలో కళ్లతోనే భావాలను పలికించి ప్రశంసలు అందుకుంది. భారమైన పాత్రను చాలా హుందాగా పోషించింది. ఇతర నటులు: రాజీవ్ కనకాల, గోపరాజు రమణ తమ అనుభవంతో పాత్రలకు ప్రాణం పోశారు. యోగిబాబు కామెడీ ట్రాక్ అక్కడక్కడా నవ్విస్తుంది.
సాంకేతిక విశ్లేషణ:
దర్శకుడు అశ్విన్ చంద్రశేఖర్ ఎంచుకున్న పాయింట్ పాతదే అనిపించినా, దాన్ని డీల్ చేసిన విధానం చాలా కొత్తగా ఉంది. సంభాషణలు చాలా సింపుల్గా ఉంటూనే మనసుకు హత్తుకుంటాయి. సినిమాను చాలా నేచురల్గా, లైవ్ లొకేషన్స్లో చిత్రీకరించడం వల్ల రియలిస్టిక్ ఫీల్ వస్తుంది. సినిమాటోగ్రఫీ: దినేష్ పురుషోత్తమన్ విజువల్స్ చాలా కలర్ఫుల్గా ఉన్నాయి. చెన్నై వీధులను, కేరళ లొకేషన్లను ఎంతో అందంగా చూపించారు. సంగీతం: ఆదిత్య రవీంద్రన్ నేపథ్య సంగీతం సినిమాలోని ఎమోషన్స్ను మరో స్థాయికి తీసుకెళ్లింది. అయితే, మెలోడీ పాటలు మరిన్ని ఉంటే బాగుండేదనిపిస్తుంది.
చివరిగా..’కపుల్ ఫ్రెండ్లీ’ ఒక ఫీల్ గుడ్ ఎమోషనల్ డ్రామా
