YSRCP Election Manifesto 2024: వైసీపీ మేనిఫెస్టో విడుదల.. 9 ముఖ్యమైన హామీలు ఇవే..

YSRCP Election Manifesto 2024: వైఎస్‌ఆర్‌ కాంగ్రెస్‌ పార్టీ ఎన్నికల మేనిఫెస్టో -2024ను విడుదల చేశారు ఆంధ్రప్రదేశ్‌ ముఖ్యమంత్రి, వైసీపీ అధినేత వైఎస్‌ జగన్మోహన్‌రెడ్డి.. తాడేపల్లిలో నిర్వహించిన మీడియా సమావేశంలో.. గత ఎన్నికల మేనిఫెస్టోలో ఇచ్చిన హామీలు, అమలు చేసిన విధానాన్ని వివరించిన ఆయన.. విపక్షాలపై ఓ రేంజ్‌లో ఫైర్‌ అయ్యారు.. ఇక, 9 ముఖ్యమైన హామీలతో వైసీపీ మేనిఫెస్టో 2024ను విడుదల చేశారు.. విద్య, వైద్యం, వ్యవసాయం, ఉన్నత విద్య, అభివృద్ధి, పేదలకు ఇళ్లు, నాడు-నేడు, మహిళా సాధికారిత, సామాజిక భద్రతతో వైసీపీ మేనిఫెస్టోను రూపొందించారు.

* వైఎస్సార్‌ చేయూత రూ.75 వేల నుంచి రూ. లక్షా 50 వేలకు పెంచనున్నట్టు వెల్లడించారు సీఎం జగన్‌
* వైఎస్సార్‌ కాపు నేస్తం నాలుగు దఫాల్లో రూ. 60 వేల నుంచి లక్షా 20 వేల వరకు పెంచనున్నారు.
* వైఎస్సార్‌ ఈబీసీ నేస్తం నాలుగు దఫాల్లో రూ.45 వేల నుంచి రూ.లక్షా 5 వేల వరకు పెంపు
* అమ్మ ఒడి రూ.15 వేల నుంచి రూ.17 వేలకు పెంపు
* వైఎస్సార్‌ సున్నావడ్డీ కింద రూ.3 లక్షలు వరకు రుణాలు ఇవ్వనున్నట్టు ప్రకటించారు.
* రెండు విడతల్లో పెన్షన్‌ రూ.3,500కు పెంచబోతున్నట్టు వెల్లడించారు.
* ఇక, వైఎస్‌ఆర్‌ కల్యాణమస్తు, షాదీ తోఫా కొనసాగించనున్నట్టు వెల్లడించారు.

* పేదలకు ఇళ్ల పట్టాలు కొనసాగింపు

* పట్టణ గృహ నిర్మాణ పథకం క్రింద ప్రతీ ఏటా వెయ్యి కోట్లు కేటాయింపు..పట్టణాల లో ఉండే మధ్యతరగతి ప్రజల కోసం ఈ పథకం

* పెన్షన్ ల పెంపు..3500 కు..జనవరి 2028లో 250.. 2029లో.250 పెంచుతాం…

* రైతు భరోసా 13500 నుండి 16000 వేలకు పెంపు (ప్రతీ సంవత్సరం మూడు దఫాల్లో (8000+4000+4000)

* రైతులకు పంట రుణాలు కొనసాగుతాయి.. వైఎస్ఆర్ భీమా క్రింద ఆత్మహత్యలు చేసుకున్న రైతు కుటుంబాలకు అండగా ఉంటాం)

* మత్స్య కార భరోసా , వాహన మిత్ర కొనసాగుతాయి

* స్వయం ఉపాధి పథకాన్ని.కొనసాగిస్తూ వాహన మిత్ర ను సొంత టిప్పరు . సొంత .లారీ నడిపే వాళ్ళకి కూడా విస్తరిస్తాం..ఎవరైనా ప్రమాదాల్లో చనిపోతే 10 లక్షల భీమా కలిగిస్తాం

* లాయర్ల కు లా నేస్తం కొనసాగింపు.. (కొత్త లాయర్లకు మూడేళ్లు ..)

* చేనేత నేస్తం కొనసాగింపు

* అప్కో బకాయిలు చెల్లించాము..ఈ దఫా కూడా కొనసాగిస్తాం

* స్కిల్ హబ్ ల కొనసాగింపు