Suicide: ప్రియుడి డెత్‌ డేగా మారిన ప్రియురాలి బర్త్‌ డే

Suicide: ప్రియురాలి బంధువులు కొట్టారని మనస్తాపంతో యువకుడు ఆత్మహత్య చేసుకున్న విషాద ఘటన సంగారెడ్డి జిల్లాలో చోటుచేసుకుంది. సంగారెడ్డి జిల్లా మునిపల్లి మండలం మాలపాడ్ గ్రామంలో ఈ ఘటన జరిగింది. పుల్కల్‌ గ్రామానికి చెందిన ఓ యువతి, మాలపాడు గ్రామానికి చెందిన రంజిత్ రెండేళ్లుగా ప్రేమించుకుంటున్నారు. ఆదివారం రాత్రి యువతి బర్త్‌డే ఉండడంతో రంజిత్ పుల్కల్‌కు వెళ్లి యువతిని కలిశాడు. యువతితో రంజిత్ చనువుగా ఉండడాన్ని యువతి కుటుంబసభ్యులు గమనించారు. ఆగ్రహంతో రంజిత్‌పై దాడి చేశారు. ఈ అవమానాన్ని తట్టుకోలేక రంజిత్ సింగూర్‌ బ్యాక్‌ వాటర్‌లో దూకి ఆత్మహత్యకు పాల్పడ్డాడు. దీంతో యువతి కుటుంబ సభ్యులే కొట్టి చంపేశారని మృతుడి తల్లిదండ్రులు ఆరోపిస్తున్నారు. ఈ క్రమంలో పోలీసులు కేసు నమోదు చేసి దర్యాప్తు చేస్తున్నారు.

Read Also: Archana Nag Story: అందాలతో వీవీఐపీలకు వలపు వల విసిరిన కిలేడీ.. అర్చనా నాగ్ డర్టీ పిక్చర్ స్టోరీ..