Deepika Padukone: ‘స్పిరిట్’ కోసం తగ్గని దీపిక.. అల్లు అర్జున్ కోసం ఎందుకు తగ్గింది?

స్పిరిట్ కోసం తగ్గని దీపిక పదుకొనే.. అల్లు అర్జున్, అట్లీ సినిమా కోసం తగ్గిందా? అంటే అవుననే మాట వినిపిస్తోంది. ముందుగా స్పిరిట్ సినిమాలో దీపికను తీసుకోవాలని అనుకున్నాడు సందీప్ రెడ్డి వంగా. కానీ అమ్మడు పెట్టిన కండీషన్స్‌ ఆయనకు నచ్చలేదు. 20 కోట్ల పారితోషికం, రోజుకి ఇన్ని గంటలే షూటింగ్‌లో పాల్గొంటానని చెప్పిందట. దీంతో ఆమె ప్లేస్‌లో త్రిప్తి డిమ్రిని తీసుకున్నాడు. కానీ దీపిక వర్సెస్ సందీప్ వార్ మాత్రం గట్టిగానే నడిచింది. ముఖ్యంగా దీపిక కథ లీక్ చేసిందంటూ.. సందీప్ గట్టి కౌంటర్ ఇచ్చాడు. దీనిపై ఆమె కూడా తగ్గేదేలే అన్నట్టుగా వ్యవహరించింది.

అయితే ఇప్పుడు బన్నీ-అట్లీ సినిమాలో దీపిక పదుకొనే ఫైనల్ అయినట్టుగా తెలుస్తోంది. కానీ రెమ్యునరేషన్ మాత్రం స్పిరిట్ అంత ఇవ్వడంలేదని సమాచారం. స్పిరిట్ నుంచి ఆమె తప్పుకోవడానికి 20 కోట్ల రెమ్యునరేషన్, 15% షేర్ డిమాండ్ చేయడమే కారణమని చర్చలు జరిగాయి. కానీ బన్నీ సినిమా కోసం ఎలాంటి షేర్ లేకుండా.. ‘కల్కి 2898 AD’ సినిమాకు తీసుకున్న రెమ్యునరేషన్‌నే తీసుకుంటోందట. బన్నీ సినిమా కోసం 15 కోట్లకు అటు ఇటుగా దీపిక పారితోషికం ఉంటుందని సమాచారం.

Also Read: HHVM Pre Release Event: ఫాన్స్ గెట్ రెడీ అమ్మ.. ప్రీ రిలీజ్ ఈవెంట్ డేట్ ఫిక్స్?

అయితే రెమ్యునరేషన్ విషయంలో దీపిక పదుకొనే ఎందుకు తగ్గిందనే చర్చ సోషల్ మీడియాలో మొదలైంది. అందులోనూ బన్నీతో ఐదుగురు హీరోయిన్లు నటించనున్నారనే టాక్ ఉంది. అయినా కూడా ఈ సినిమాను దీపిక కావాలనే ఎంచుకున్నట్టుగా చెబుతున్నారు. దీనికి పలు కారణాలు ఉన్నాయట. అమ్మడు పెట్టిన కండీషన్స్‌కు మేకర్స్ ఓకె చెప్పడంతో పాటు తక్కువ డేట్స్ ఇచ్చి ఇచ్చారని అంటున్నారు. ఏదేమైనా దీపిక ఈ మధ్య ఏదో ఓ విధంగా హాట్ టాపిక్ అవుతూనే ఉంది.