ఇన్ స్టంట్ మెసేంజర్ యాప్ వాట్సాప్ ను దాదాపు స్మార్ట్ ఫోన్ యూజ్ చేస్తున్నవారందరు ఉపయోగిస్తున్నారు. వరల్డ్ వైడ్ గా కోట్లాది మంది యూజర్లను కలిగి ఉంది. ప్రైవసీ, వాట్సాప్ సేవలను మరింత సులువుగా అందించేందుకు మెటా ప్లాట్ ఫామ్ ఎప్పటికప్పుడు కొత్త ఫీచర్లను పరిచయం చేస్తుంది. ఈ క్రమంలో మరో క్రేజీ ఫీచర్ ను తీసుకొచ్చేందుకు రెడీ అవుతున్నట్లు సమాచారం. అదే రిమైండ్ మీ ఫీచర్. ఆ కొత్త ఫీచర్ ద్వారా యూజర్లు ఇప్పటికే చదివిన చాట్ కోసం మెసేజ్ లో రిమైండర్ ను సెట్ చేసుకోవచ్చు.
Also Read:Singareni BTPS : మణుగూరులో బూడిద వర్షం.. కాలుష్యంపై ప్రజల్లో ఆందోళనలు
ఆండ్రాయిడ్ కోసం వాట్సాప్ తాజా వెర్షన్లో, వినియోగదారులు వ్యక్తిగత సందేశాల గురించి వాట్సాప్ ఎప్పుడు గుర్తు చేయాలో ఎంచుకోవచ్చు. iOS, ఆండ్రాయిడ్లో చదవని మెసేజ్ లకు రిప్లై ఇవ్వడానికి మెసేజింగ్ ప్లాట్ఫామ్ ఇప్పటికే రిమైండర్లను చూపిస్తుంది. కానీ ఇప్పుడు ‘రిమైండ్ మీ’ ఫీచర్ మీ పనిని మరింత సులభతరం చేస్తుంది. ఈ ఫీచర్ ఆండ్రాయిడ్ కోసం వాట్సాప్ బీటా తాజా వెర్షన్ 2.25.21.14 లో కనిపించింది. ఇది మెసేజింగ్ యాప్లో మీకు మెసేజ్ రిమైండర్ సౌకర్యాన్ని అందిస్తోంది. ఈ ఫీచర్ని ఉపయోగించడానికి, యూజర్ మెసేజ్ హైలైట్ అయిన వెంటనే మెసేజ్ని నొక్కి ఉంచి, స్క్రీన్ కుడివైపు కార్నర్ లో ఉన్న మూడు-చుక్కల మెనుపై క్లిక్ చేసి, కొత్త ఫీచర్ని టెస్ట్ చేయడానికి ‘రిమైండ్ మీ’ ఆప్షన్ ను ఎంచుకోవాలి.
Also Read:TG Inter Board : ఇంటర్ పరీక్షల్లో పెను మార్పులు.? భాషా సబ్జెక్టులకు కూడా ఇంటర్నల్ మార్కులు.!
మీరు కొత్త రిమైండ్ మీ ఆప్షన్పై నొక్కినప్పుడు, వాట్సాప్ నాలుగు ఆప్షన్లలో ఒకదాన్ని ఎంచుకోమని అడుగుతున్న కొత్త పాప్-అప్ కార్డ్ను చూపిస్తుంది. అప్పుడు మీరు మెసేజ్ పై 2 గంటలు, 8 గంటలు, 24 గంటలు లేదా కస్టమ్ సమయాన్ని సెట్ చేసుకోవచ్చు. మొదటి మూడు ఆప్షన్లు ముందుగానే సెట్ చేసి ఉంటాయి. అయితే కస్టమ్ ఆప్షన్ వినియోగదారులు వారి మెసేజ్ రిమైండర్ కోసం తేదీ, టైమ్ ను ఎంచుకోవడానికి వీలు కల్పిస్తుంది.
📝 WhatsApp beta for Android 2.25.21.14: what's new?
WhatsApp is rolling out a feature to create notification reminders for chat messages, and it's available to some beta testers!
Some users can get this feature by installing certain previous updates.https://t.co/K0kcFF5H7n pic.twitter.com/2AtXsbnpVu— WABetaInfo (@WABetaInfo) July 21, 2025