West Indies Cricketer Da Silva Mother Kisses Virat Kohli at IND vs WI 2nd Test: టీమిండియా స్టార్ బ్యాటర్ విరాట్ కోహ్లీకి ఉన్న క్రేజ్, ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అసవరం లేదు. భారత్లోనే కాకుండా ప్రపంచ వ్యాప్తంగా మనోడికి భారీగా అభిమానులు ఉన్నారు. కోహ్లీ కనిపిస్తే చాలు ఈలలు, కేకలు వేస్తుంటారు. అతడిని కలవాలని ఫాన్స్ చూస్తుంటారు. కొందరు అయితే బారికేడ్స్ కూడా దాటి మైదానంలో ఉన్న కోహ్లీని కలిశారు. ఇదంతా మాములే. తాజాగా ఓ క్రికెటర్ తల్లి కూడా కోహ్లీని కలిసి తెగ సంబరపడిపోయారు. తన ఆరాధ్య క్రికెటర్ను కలిసిన ఆనందంలో తబ్బిబ్బైపోయారు.
పోర్ట్ ఆఫ్ స్పెయిన్ వేదికగా వెస్టిండీస్, భారత్ జట్ల మధ్య రెండో టెస్టు జరుగుతోన్న విషయం తెలిసిందే. రెండో రోజు విండీస్ వికెట్ కీపర్ జాషువా డా సిల్వా తల్లి తన కొడుకు ఆట కోసం కాకుండా.. టీమిండియా స్టార్ బ్యాటర్ విరాట్ కోహ్లీని చూసేందుకు వచ్చారు. కోహ్లీ సెంచరీ చేయడంతో ఆమె ఆనందానికి అవద్దులేకుండా పోయాయి. ఇక రెండో రోజు మ్యాచ్ అనంతరం టీమిండియా బస్ వద్దకు జాషువా తల్లి వచ్చి కోహ్లీని కలిశారు. ఆమె ఎంతో ఆప్యాయంతో కోహ్లీని కౌగిలించుకున్నారు. ఇందుకు సంబందించిన వీడియో సోషల్ మీడియాలో వైరల్ అవుతోంది.
జాషువా డా సిల్వా తల్లి మాట్లాడుతూ… ‘నేను, నా కొడుకు విరాట్ కోహ్లీకి పెద్ద ఫాన్స్. పోర్ట్ ఆఫ్ స్పెయిన్లో రెండో టెస్టు ఆడుతున్న తన ఫెవరేట్ క్రికెటర్ కోహ్లీ బ్యాటింగ్ చూసేందుకే నేను స్టేడియానికి వచ్చా. కోహ్లీతో పాటు నా కొడుకు ఒకే మైదానంలో ఆడడం నాకు ఎంతో గౌరవంగా ఉంది. మొదటిసారి కోహ్లీని కలిశాను. అతడు అద్భుతమైన వ్యక్తి, చాలా ప్రతిభావంతుడు. కోహ్లీలా నా కుమారుడు అద్భుతంగా ఆడాలని కోరుకుంటున్నా’ అని అన్నారు.
Also Read: IND vs BAN Fight: మూసుకుని పెవిలియన్కు పో.. భారత్, బంగ్లా ఆటగాళ్ల మధ్య గొడవ!
విరాట్ కోహ్లీపై తన తల్లికి ఉన్న అభిమానం గురించి విండీస్ వికెట్ కీపర్ జాషువా ది సిల్వా కూడా స్పందించాడు. రెండో టెస్టు సందర్భంగా జాషువా మాట్లాడుతూ… ‘మా అమ్మ ఫోన్ చేసి నేను విరాట్ కోహ్లీని చూసేందుకు మైదానానికి వస్తున్నా అని చెప్పింది. ఆ మాట చెప్పగానే నేను షాక్కు గురయ్యా. అయితే నా ఆటను చూసేందుకు కాకుండా.. కోహ్లీ కోసం రావడమేంటని నేను అస్సలు అనుకోలేదు. అసూయ కూడా పడలేదు. ఎందుకంటే కోహ్లీ అంటే మా అమ్మకు పిచ్చి, అతడికి పెద్ద అభిమాని’ అని అన్నాడు.
Virat Kohli with the mother of Joshua Da Silva.
What a lovely picture. pic.twitter.com/izT9HWFJk9
— Johns. (@CricCrazyJohns) July 22, 2023
Cutest video of the day 🤍
Joshua da Silva’s mom finally met Virat Kohli 💓pic.twitter.com/KSn7ZtrNz8— Hiya 🌸 (@takenbypratik) July 22, 2023
Mother of West Indies keeper Joshua Da Silva was emotional after meeting Virat Kohli, she wanted to meet him so badly! Just wow…
I have never seen a parent of an opposition player wanting to meet a cricketer to this extent. Kohli is an emotion ❤️- via Vimal Kumar YT #WIvIND pic.twitter.com/UEFMAOWGEE
— Farid Khan (@_FaridKhan) July 22, 2023