Warren Buffet : క్రెడిట్ కార్డ్ పరిశ్రమలో ప్రకంపనలు సృష్టించేందుకు వస్తున్న వారెన్ బఫెట్

Warren Buffet : ప్రపంచంలోనే అతిపెద్ద పెట్టుబడిదారు వారెన్ బఫెట్ ఆయన గురించి చాలా మందికి తెలుసు. ఆయన సిద్ధాంతాన్ని స్వీకరించి చాలా మంది తమ జీవితాలను మెరుగుపరుచుకున్నారు. అతను ఏ రంగంలోకి వచ్చినా ఆ రంగం పూర్తిగా పుంజుకుంటుంది. గ్లోబల్‌ లెవెల్‌లో చాలాసార్లు ఇందుకు ఉదాహరణలు చూశాం. ఇప్పుడు మరోసారి ఆయన కొత్త ఇండస్ట్రీలోకి అడుగు పెట్టబోతున్నాడు. ప్రపంచంలో కోట్లాది మంది దీంతో లబ్ధిపొందే అవకాశం ఉంది. ఇప్పుడు తన దృష్టి క్రెడిట్ కార్డ్ పరిశ్రమపై పడింది. ఇందుకోసం వారెన్ బఫెట్ తన జేబులోంచి రూ.3 లక్షల కోట్లు వెచ్చించబోతున్నాడు. క్రెడిట్ కార్డ్ పరిశ్రమకు సంబంధించి వారెన్ బఫెట్ ఎలాంటి సన్నాహాలు చేశారో తెలుసుకుందాం.

ఒక్క అమెరికానే కాదు ప్రపంచంలోనే ప్రముఖ ఇన్వెస్టర్ వారెన్ బఫెట్ భారీ పెట్టుబడి పెట్టనున్నారు. వారెన్ బఫెట్ మద్దతు ఉన్న కంపెనీ.. క్యాపిటల్ వన్ క్రెడిట్ కార్డ్ జారీ చేసే కంపెనీ డిస్కవర్ ఫైనాన్షియల్‌ను కొనుగోలు చేయబోతున్నట్లు వార్తలు వస్తున్నాయి. క్రెడిట్ కార్డ్ పరిశ్రమ చరిత్రలో ఇది ప్రపంచంలోనే అతిపెద్ద డీల్‌గా పరిగణించబడుతుంది. ఈ డీల్ విలువ 35.3 బిలియన్ డాలర్లు అంటే దాదాపు 3 లక్షల కోట్ల రూపాయలు. ఈ ఒప్పందం తర్వాత, క్యాపిటల్ వన్ ఆస్తుల పరంగా ప్రపంచంలోని ఆరవ అతిపెద్ద బ్యాంక్‌గా అవతరిస్తుంది. జేపీ మోర్గాన్, సిటీ గ్రూప్‌తో క్యాపిటన్ వన్ బ్యాంక్ పోలిక ప్రారంభమవుతుంది. రెండు కంపెనీల విలీనం తర్వాత క్యాపిటల్ వన్ వాటాదారులు కంపెనీలో 60 శాతం వాటాను కలిగి ఉంటారు. మిగిలిన వాటాను డిస్కవర్ వాటాదారులు కలిగి ఉంటారు.

Read Also:Om Bheem Bush : ఓం భీమ్ బుష్ అంటున్న యూవీ.. పోస్టర్ భలే ఉంది బాసూ

19 ఏళ్ల రికార్డు బద్దలు
* క్రెడిట్ కార్డ్ పరిశ్రమలో ఇప్పటివరకు చరిత్రలో అతిపెద్ద డీల్ బ్యాంక్ ఆఫ్ అమెరికా పేరిట ఉంది.
* బ్యాంక్ 2005లో MBNA Corpని 35.2 బిలియన్ డాలర్లకు కొనుగోలు చేసింది. ఇది జరిగి నేటికి 19 ఏళ్లు.
* ఇప్పుడు ఈ 19 ఏళ్ల రికార్డును వారెన్ బఫెట్ బ్రేక్ చేయబోతున్నాడు. బఫెట్ ప్రపంచంలోని అగ్రశ్రేణి సంపన్నులలో ఒకరు. ప్రపంచంలోని పలు పెద్ద కంపెనీల్లో ఆయనకు పెట్టుబడులు ఉన్నాయి.
* బ్లూమ్‌బెర్గ్ బిలియనీర్స్ ఇండెక్స్ ప్రకారం, బఫెట్ నికర విలువ 135 బిలియన్ డాలర్లు. అతను ప్రపంచంలోని అత్యంత సంపన్నుల జాబితాలో ఏడవ స్థానంలో ఉన్నాడు.
* ప్రస్తుత సంవత్సరంలో వారెన్ బఫెట్ మొత్తం సంపద 15.4 బిలియన్ డాలర్లు పెరిగింది.

బఫెట్‌కు ఏ కంపెనీల్లో అత్యధిక వాటా ఉంది?
* గత సంవత్సరం రెండవ త్రైమాసిక డేటా ప్రకారం బఫెట్ మొత్తం పోర్ట్‌ఫోలియోలో సగం ఆపిల్‌లో ఉంది.
* బఫ్ఫెట్ పోర్ట్‌ఫోలియోలో రెండవ అతిపెద్ద స్టాక్ బ్యాంక్ ఆఫ్ అమెరికా. ఇది అతని మొత్తం పోర్ట్‌ఫోలియోలో 9 శాతం.
* అమెరికన్ ఎక్స్‌ప్రెస్ మూడవ స్థానంలో ఉంది. అతని పోర్ట్‌ఫోలియోలో 7.2 శాతం ఈ కంపెనీలో ఉంది.
* వారెన్ బఫెట్ కూడా కోకాకోలాలో పెద్ద పెట్టుబడి పెట్టాడు. ఆయన పోర్ట్‌ఫోలియోలో ఈ కంపెనీ వాటా 7.1 శాతం.
* చెవ్రాన్, ఆక్సిడెంటల్ పెట్రోలియం, క్రాఫ్ట్ హీంజ్, మూడీస్‌లో కూడా బఫెట్ భారీ పెట్టుబడులు పెట్టారు.

Read Also:Paytm : మరోసారి పడిపోతున్న పేటీఎం షేర్లు.. ఇక కంపెనీ క్లోజేనా ?