కార్గో విమానం ల్యాండింగ్ గేర్ లోపం కారణంగా ఓ పెద్ద ప్రమాదం సంభవించింది. దీంతో విమానం ముందు భాగం కాలిపోయి మంటలు చెలరేగాయి. అయితే ఎలాంటి ప్రమాదం జరగకపోవడంతో సిబ్బంది సురక్షితంగా బయటపడ్డారు. ఈ వీడియో సోషల్ మీడియాలో వైరల్ అయింది. అమెరికా పోస్టల్ కంపెనీ ఫెడెక్స్కు చెందిన బోయింగ్ 767 విమానం బుధవారం ఉదయం పారిస్ నుంచి టర్కీకి చేరుకుంది. ఇస్తాంబుల్ ఎయిర్పోర్ట్లో ల్యాండింగ్ చేయడానికి పైలట్ సిద్ధమైనప్పుడు, ల్యాండింగ్ గేర్లో సమస్య ఉందని అతను కనుగొన్నాడు. ఈ ఘటనపై ఎయిర్ ట్రాఫిక్ కంట్రోల్ (ఏటీసీ)కి ఫిర్యాదు చేశారు.
Also Read: Shocking Video: దేవుడా కుక్కలు బాబోయ్ కుక్కలు.. లిఫ్ట్లో బాలికపై దాడి చేసిన శునకం..
ఇంతలో విమానాన్ని అత్యవసరంగా ల్యాండింగ్ చేశారు. ఇస్తాంబుల్ విమానాశ్రయంలో దిగిన తర్వాత విమానం ముందు భాగం రన్వేపై ల్యాండ్ అయింది. స్వల్ప అగ్నిప్రమాదం సంభవించింది. అయితే అప్పటికే ఘటనాస్థలికి చేరుకున్న అగ్నిమాపక సిబ్బంది వెంటనే స్పందించారు. ఫోమ్ను పిచికారీ చేయడంతో మంటలు, పొగలను అదుపులోకి తెచ్చారు. ఈ ఘటనలో ఎవరికీ ఎలాంటి గాయాలు కాలేదు. విమాన సిబ్బంది కూడా సురక్షితంగా బయటపడ్డారు. కాగా, కార్గో విమానం ఎమర్జెన్సీ ల్యాండింగ్కు సంబంధించిన వీడియో ఇప్పుడు సోషల్ నెట్వర్క్ లలో చక్కర్లు కొడుతోంది.
🇺🇸BOEING CARGO PLANE CRASHES ON ISTANBUL RUNWAY!
A Boeing 767 cargo plane crashed upon landing in Turkey after its landing gear failed. #Turkey
The plane attempting an emergency landing, smashing down into the runway and scraping its nose along the concrete.
The Airport… pic.twitter.com/3BK1XHp9OG
— WORLD AT WAR (@World_At_War_6) May 8, 2024