Thangalaan 2 : చియాన్ విక్రమ్ హీరోగా నటించిన పీరియాడిక్ యాక్షన్ మూవీ తంగలాన్. స్వాతంత్ర్య దినోత్సవం కానుకగా ఈ నెల 15న థియేటర్స్ లోకి వచ్చి అన్ని చోట్ల బ్లాక్ బస్టర్ టాక్ తెచ్చుకుంది. ఈ చిత్రానికి పా రంజిత్ దర్శకత్వం వహించారు. నీలమ్ ప్రొడక్షన్స్ తో కలిసి స్టూడియో గ్రీన్ ఫిలింస్ బ్యానర్ పై ప్రముఖ నిర్మాత కేఈ జ్ఞానవేల్ రాజా ఈ చిత్రాన్ని నిర్మించారు. పార్వతీ తిరువోతు, మాళవిక మోహనన్ హీరోయిన్లుగా నటించారు. తంగలాన్ సినిమాకు వస్తున్న హ్యూజ్ రెస్పాన్స్ పట్ల చిత్ర బృందం సంతోషంగా ఉంది. నిర్మాత కేఈ జ్ఞానవేల్ రాజా ఒక మంచి సినిమాను ప్రేక్షకులు తప్పకుండా ఆదరిస్తారనే నమ్మకాన్ని తంగలాన్ నిలబెట్టిందన్నారు. ఇంత భారీ ఓపెనింగ్స్ తెలుగులో ఎక్స్ పెక్ట్ చేయలేదు. మేము అనుకున్న దానికంటే రెట్టింపు కలెక్షన్స్ వస్తున్నాయి. ఏ, బీ, సీ సెంటర్స్ అన్నింటా మంచి వసూళ్లు వస్తున్నాయి. కలెక్షన్స్ తో మేము ఆశ్చర్యపోతున్నామని ఆయన తెలిపారు.
Read Also:Jharkhand : జార్ఖండ్‌లో ఘోర ప్రమాదం.. రిజర్వాయర్లలో మునిగి ఆరుగురు చిన్నారులు మృతి
హీరో విక్రమ్ మాట్లాడుతూ.. అందరూ తంగలాన్ సినిమాను ఆదరిస్తున్న తీరు పట్ల సంతోషంగా ఉంది. ఇది మట్టి కథ. తెలుగు ప్రేక్షకులకు తప్పక నచ్చుతుందని నమ్మకం ఎప్పుడూ ఉండేది. డైరెక్టర్ రంజిత్ వల్లే ఇదంతా సాధ్యమైంది. మీ ప్రేమతో సెకండ్ పార్ట్ వస్తుంది. జీవీ ప్రకాశ్‌ తన సంగీతంతో సినిమాని మరో స్థాయికి తీసుకెళ్లాడు. మాళవిక, పార్వతి తిరువోతు, పశుపతి.. అందరూ తమ తమ పాత్రకు న్యాయం చేశారు. జ్ఞానవేల్ రాజా, రంజిత్, నేను కలిసి సెకండ్ పార్ట్ గురించి చర్చించాం. త్వరలో పార్ట్ 2 ఉండబోతుందని హీరో విక్రమ్ వెల్లడించారు. పార్ట్ 2 ను కన్ఫర్మ్ చేయడం తో ఆయన అభిమానులు సంతోషం వ్యక్తం చేస్తున్నారు. ఈ చిత్రానికి జీవి ప్రకాష్ కుమార్ అధ్బుతమైన సంగీతం అందించారు. ఈ చిత్రం లాంగ్ రన్ లో మంచి వసూళ్లను రాబట్టే అవకాశాలు కనిపిస్తున్నాయి.
Read Also:Off The Record : AP Secretariatలో కోవర్ట్ ప్రకంపనలు