Venky Re Release : రీ రిలీజ్ లో సైతం కలెక్షన్ జోరు చూపించిన వెంకీ మూవీ..

రవితేజ, శ్రీనువైట్ల కాంబినేషన్ లో వచ్చిన సూపర్ హిట్ మూవీ వెంకీ..2004 లో రిలీజైన ఈ మూవీ ఆ టైమ్‌ లో రవితేజ కెరీర్‌ లో బిగ్గెస్ట్ హిట్‌ లలో ఒకటిగా నిలిచింది. రవితేజ తన కామెడీ టైమింగ్‌ తో ప్రేక్షకుల్ని ఎంతగానో ఆకట్టుకున్నాడు. ముఖ్యంగా రవితేజ మరియు బ్రహ్మానందం కాంబినేషన్‌ లో వచ్చిన సీన్స్ ప్రేక్షకులను ఎంతగానో అలరించాయి. వెంకీ మూవీ లో స్నేహ హీరోయిన్‌గా నటించింది.ఈ సినిమా లో వచ్చే ట్రైన్ కామెడీ సీన్స్ మాత్రం ప్రతి ప్రేక్షకుడికి ఆల్ టైం ఫేవరెట్ అని చెప్పొచ్చు.ఇదిలా ఉంటే ఈ సినిమా 2023 డిసెంబర్ 30  న  రీ రిలీజ్ అయింది.ఈ వారం రిలీజైన స్ట్రెయిట్ సినిమాలకు వెంకీ గట్టి పోటీ ఇస్తోంది.

స్ట్రెయిట్ సినిమాలకు మించి వెంకీ మూవీ వసూళ్లను దక్కించుకున్నది.డిసెంబర్ 30 న థియేటర్ల లో రీ రిలీజైన ఈ మూవీ రెండు రోజుల్లో దాదాపు కోటి తొంభై లక్షల వరకు వసూళ్ల ను రాబట్టినట్లు సమాచారం. శనివారం ఒక్క రోజే వెంకీ మూవీ దాదాపు కోటి ముప్పై లక్షల వరకు కలెక్షన్స్ దక్కించుకున్నట్లు ట్రేడ్ వర్గాలు చెబుతున్నాయి.ఆదివారం రోజు అరవై లక్షల కు పైగా కలెక్షన్స్ వచ్చినట్లు సమాచారం. ఓవరాల్‌గా రెండు రోజుల్లో వెంకీ సినిమా కు కోటి తొంభై లక్షల వరకు కలెక్షన్స్ వచ్చినట్లు సమాచారం.ఈ వారం  టాలీవుడ్ ప్రేక్షకుల ముందుకొచ్చిన స్ట్రెయిట్ సినిమా ల్లో రోషన్ కనకాల బబుల్ గమ్ మూవీ కోటి లోపే కలెక్షన్స్ రాబట్టింది. కళ్యాణ్ రామ్ డెవిల్ కూడా కోటిన్నర వరకు వసూళ్ల ను దక్కించుకున్నది. ఈ స్ట్రెయిట్ సినిమాలను రవితేజ రీ రిలీజ్ మూవీ పూర్తిగా డామినేషన్ చేసినట్లు తెలుస్తుంది.. తెలుగు లో రీ రిలీజైన సినిమాల్లో హయ్యెస్ట్ కలెక్షన్స్ రాబట్టిన సినిమాల్లో ఒకటిగా వెంకీ మూవీ నిలిచింది.