Operation Valentine: నైజాం థియేట్రికల్ రైట్స్ సొంతం చేసుకున్న మైత్రీ మూవీస్!

Operation Valentine Movie Nizam Rights Goes to Mythri Movie Makers: మెగా హీరో వరుణ్‌ తేజ్‌ తాజాగా నటించిన ‘ఆపరేషన్‌ వాలెంటైన్‌’ సినిమా విడుదలకు సిద్ధంగా ఉంది. శక్తి ప్రతాప్‌ సింగ్‌ దర్శకత్వం వహించిన ఈ సినిమాలో మానుషి చిల్లర్, రుహానీ శర్మ, నవదీప్‌ కీలక పాత్రలు పోషించారు. సోనీ పిక్చర్స్‌ ఇంటర్నేషనల్‌ ప్రొడక్షన్స్, సందీప్‌ ముద్ద రినైసన్స్ పిక్చర్స్‌పై నిర్మించిన ఆపరేషన్‌ వాలెంటైన్‌ సినిమా మార్చి 1న తెలుగు, హిందీ భాషల్లో రిలీజ్‌ అవుతోంది. ఈ సందర్భంగా ఆదివారం చిత్ర యూనిట్ ప్రీ రిలీజ్‌ వేడుక కూడా నిర్వహించింది.

Also Read: IND vs ENG 4th Test: విజయానికి 152 పరుగులే.. భారత్‌కు అంత ఈజీ కాదు!

విడుదల తేదీ దగ్గరపడుతుండడంతో ఆపరేషన్‌ వాలెంటైన్‌ సినిమా బిజినెస్ స్టార్ట్ అయ్యింది. అందులో భాగంగా నైజాం థియేట్రికల్ హక్కులను ప్రముఖ డిస్ట్రిబ్యూషన్ సంస్థ మైత్రీ మూవీ మేకర్స్ సొంతం చేసుకుంది. భారీ ధరకే ఈ రైట్స్ కొన్నట్లు టాక్. సలార్, హనుమాన్ చిత్రాల నైజాం హక్కులను మైత్రీ మూవీ మేకర్స్ సొంతం చేసుకున్న విషయం తెలిసిందే. ఆ సినిమాలు ఎన్ని లాభాలను తెచ్చిపెట్టాయో ప్రత్యేకంగా చెప్పాల్సిన అవసరం లేదు. నైజాంలో మొన్నటివరకు దిల్ రాజు హవా నడిచిన విషయం తెలిసిందే.