Matka : మట్కా టీజర్‌కి సాలిడ్ రెస్పాన్స్.. ఏకంగా రెండు మిలియన్ వ్యూస్

Matka : మెగా ప్రిన్స్ వరుణ్ తేజ్ ప్రస్తుతం మట్కా అనే చిత్రంతో రాబోతున్నారు. ఈ చిత్రంలో వరుణ్ కి జంటగా బ్యూటిఫుల్ హీరోయిన్ మీనాక్షి చౌదరి నటిస్తోంది. ఇక నవీన్ చంద్ర, నోరా ఫతేహి, మిమి గోపి, కిషోర్, రవిశంకర్ తదితరులు కీలక పాత్రల్లో కనిపించనున్నారు. ఈ చిత్రానికి కరుణకుమార్ దర్శకత్వం వహిస్తుండగా ప్రముఖ మ్యూజిక్ డైరెక్టర్ జివి ప్రకాష్ కుమార్ సంగీతం అందించాడు. తాజాగా ఈ చిత్ర టీజర్ విడుదలైంది. ఈ సినిమా మట్కా ఆట బ్యాక్ డ్రాప్ లో ఈ సినిమాను తెరకెక్కించారు. ఇందులో భాగంగా ఓ సాధారణ యువకుడు మట్కా ఆటని శాసించి తన సామ్రాజ్యాన్ని ఎలా విస్తరించాడు, ఈ క్రమంలో ఎలాంటి ఇబ్బందులు ఎదుర్కున్నాడనే విషయాలను చూపిస్తూ ట్రైలర్ ని కట్ చేశారు. ఇక గతంతో పోలిస్తే ఈ చిత్రంలో వరుణ్ తేజ్ గెటప్, డైలాగ్ డెలివరీ పూర్తీగా భిన్నంగా.. ఆకట్టుకునేలా ఉంది.

Read Also:Siva : 35 సంవత్సరాల ట్రెండ్ సెట్టర్ అక్కినేని నాగార్జున, RGV ల ‘శివ’

మాస్, క్లాస్ లుక్స్ అభిమానులను ఆకట్టుకుంటున్నాయి. ఇక యాక్షన్ సీన్స్ కి తగ్గట్టుగా జివి ప్రకాష్ కుమార్ బీజిఎం అదరగొట్టేశాడు. దీన్నిబట్టి చూస్తే మట్కా చిత్రంతో వరుణ్ తేజ్ మంచి హిట్ అందుకోబోతున్నట్లు తెలుస్తోంది. ఇక ఈ చిత్రాన్ని 14న విడుదల చేస్తున్నట్లు చిత్ర యూనిట్ ప్రకటించారు. ఈ టీజర్ నెట్టింట్లో దూసుకుపోతుంది. వరుణ్ తేజ్ పలు వేరియేషన్స్, గెటప్స్‌లో చూపిన యాక్షన్ కు అభిమానులు ఫిదా అవుతున్నారు. ఈ టీజర్ ఇప్పుడు ఏకంగా రెండు మిలియన్ వ్యూస్‌కి పైగా దూసుకుపోతుండటంతో చిత్ర యూనిట్ సంతోషం వ్యక్తం చేస్తుంది. తమ టీజర్ అన్ని వర్గాల ప్రేక్షకులను ఆకట్టుకున్నందుకు సంతోషంగా ఉందని వారు చెబుతున్నారు. ఈ విషయం ఇలా ఉండగా ఈ మధ్య వరుణ్ తేజ్ హీరోగా నటించిన చిత్రాలు బాక్సాఫీసు వద్ద డిజాస్టర్ గా నిలిచాయి. దీంతో మట్కా చిత్రంతో హిట్ కొట్టాలని బాగానే కష్టపడ్డాడు. మరి ఈ చిత్రం థియేటర్లో ఆడియన్స్ ని ఏ విధంగా ఆకట్టుకుంటుందో చూద్దాం.

Read Also:T20 World Cup 2024: ప్రపంచకప్‌లో ఇంగ్లండ్ బోణీ.. ఆస్ట్రేలియా మొదలుపెట్టింది!