పవర్ స్టార్ పవన్ కళ్యాణ్ – మాస్ డైరెక్టర్ హరీష్ శంకర్ కలయికలో వస్తున్న ‘ఉస్తాద్ భగత్ సింగ్’ చిత్రం బాక్సాఫీస్ వద్ద ప్రకంపనలు సృష్టించేందుకు సిద్ధమవుతోంది. ‘గబ్బర్ సింగ్’ వంటి బ్లాక్ బస్టర్ తర్వాత వీరిద్దరి కాంబోలో వస్తున్న సినిమా కావడంతో, బిజినెస్ పరంగా ఈ మూవీ సరికొత్త రికార్డులను సృష్టిస్తోంది.
Also Read : Kalki2898AD : కల్కి 2 షూటింగ్ స్టార్ట్.. ప్రభాస్ కోసం వెయిటింగ్!
తాజా సమాచారం ప్రకారం ఈ సినిమా ఆంధ్ర థియేట్రికల్ రైట్స్ కోసం నిర్మాతలు దాదాపు రూ. 70 కోట్ల రూపాయల వరకు డిమాండ్ చేస్తున్నట్లు తెలుస్తోంది. పవన్ కళ్యాణ్ క్రేజ్ మరియు హరీష్ శంకర్ మేకింగ్ స్టైల్పై ఉన్న నమ్మకంతో మేకర్స్ ఈ స్థాయి ధరను నిర్ణయించినట్లు ట్రేడ్ వర్గాల సమాచారం. అయితే, ఆంధ్ర ప్రాంతంలోని డిస్ట్రిబ్యూటర్లు మరియు బయ్యర్లు మాత్రం ఈ ధరకు కొంత వెనకాడుతున్నట్లు వార్తలు వస్తున్నాయి. మార్కెట్ పరిస్థితులు మరియు రిస్క్ ఫ్యాక్టర్ను పరిగణనలోకి తీసుకుని, ఈ హక్కులను రూ. 60 కోట్ల రేషియోలో ఇస్తే బాగుంటుందని వారు కోరుతున్నట్లు టాక్. ప్రస్తుతానికి ఈ డీల్ చర్చల దశలోనే ఉంది. త్వరలోనే దీనిపై ఒక స్పష్టమైన అవగాహన వచ్చే అవకాశం ఉంది. మైత్రీ మూవీ మేకర్స్ అత్యంత ప్రతిష్టాత్మకంగా నిర్మిస్తున్న ఈ చిత్రం మార్చి 26, 2026న ప్రపంచవ్యాప్తంగా విడుదల కానుంది. ఇప్పటికే విడుదలైన ‘ఆరా ఆఫ్ ఉస్తాద్’ సాంగ్ ప్రేక్షకుల్లో పూనకాలు తెప్పిస్తోంది. పవన్ కళ్యాణ్ పోలీస్ ఆఫీసర్గా తన మార్క్ డైలాగులు మరియు స్వాగ్తో థియేటర్లను ఊపేయడం ఖాయమని ఫ్యాన్స్ నమ్మకంగా ఉన్నారు.