పవర్ స్టార్ పవన్ కళ్యాణ్, మాస్ డైరెక్టర్ హరీష్ శంకర్ కాంబినేషన్లో వచ్చిన క్రేజీ ప్రాజెక్ట్ ‘ఉస్తాద్ భగత్ సింగ్’ (Ustaad Bhagat Singh). ‘గబ్బర్ సింగ్’ వంటి ఇండస్ట్రీ హిట్ తర్వాత వచ్చిన సినిమా కావడంతో దీనిపై భారీ అంచనాలు నెలకొన్నాయి. కానీ, థియేటర్లలో ఈ చిత్రం బాక్సాఫీస్ వద్ద ఆశించిన స్థాయిలో రాణించలేకపోయింది. నెగటివ్ టాక్, మిక్స్డ్ రివ్యూల ప్రభావంతో టోటల్ రన్లో ₹100 కోట్ల మార్కును అందుకోలేకపోయింది. మైత్రీ మూవీ మేకర్స్ ప్రతిష్టాత్మకంగా నిర్మించిన ఈ చిత్రంలో శ్రీలీల రాశీ ఖన్నా హీరోయిన్లుగా నటించారు. దేవి శ్రీ ప్రసాద్ అందించిన పాటలు, థమన్ సమకూర్చిన బ్యాక్ గ్రౌండ్ స్కోర్ ఈ సినిమాకు హైలైట్గా నిలిచాయి. విలన్ పాత్రలో పార్తీబన్ మెప్పించగా.. రావు రమేష్, గౌతమి, కె.ఎస్. రవికుమార్ వంటి దిగ్గజ నటులు కీలక పాత్రల్లో కనిపించారు ఇప్పుడు తాజా సమాచారం ప్రకారం ఓటీటీ ద్వారా ప్రేక్షకులను పలకరించబోతోంది.
Also Read : Youth: ‘యూత్’.. ఓటీటీ స్ట్రీమింగ్ డేట్ ఫిక్స్!
ప్రముఖ ఓటీటీ దిగ్గజం నెట్ఫ్లిక్స్ (Netflix) ఈ చిత్ర డిజిటల్ హక్కులను సొంతం చేసుకోగా.. ఏప్రిల్ 16, 2026 నుండి ‘ఉస్తాద్ భగత్ సింగ్’ నెట్ఫ్లిక్స్లో స్ట్రీమింగ్ కానుంది. విశేషమేమిటంటే, ఈ చిత్రం తెలుగుతో పాటు తమిళం, హిందీ, కన్నడ, మలయాళ భాషల్లో ఏకకాలంలో పాన్-ఇండియా స్థాయిలో అందుబాటులోకి రానుంది. థియేటర్లలో పవన్ కళ్యాణ్ యాక్షన్ పర్ఫార్మెన్స్ను మిస్ అయిన వారు, ఇప్పుడు నేరుగా తమ స్మార్ట్ ఫోన్స్లోనే వీక్షించే అవకాశం దక్కింది. థియేటర్ రిజల్ట్ ఎలా ఉన్నా, ఓటీటీలో మాత్రం ‘ఉస్తాద్’ తన ప్రతాపం చూపిస్తాడని ఫ్యాన్స్ నమ్ముతున్నారు.