UPI : ప్రైవేట్ రంగ డిసిబి బ్యాంక్ ‘హ్యాపీ సేవింగ్స్ అకౌంట్’ ప్రారంభించింది. ఈ సేవింగ్ ఖాతా ప్రత్యేకత ఏమిటంటే.. ఈ ఖాతా ద్వారా UPI లావాదేవీ చేస్తే మీరు రూ. 7500 వరకు క్యాష్బ్యాక్ పొందుతారు. ఈ క్యాష్బ్యాక్ డెబిట్ లావాదేవీలపై మాత్రమే బ్యాంక్ ద్వారా ఇవ్వబడుతుంది. డీసీబీ బ్యాంక్ విడుదల చేసిన ఒక ప్రకటనలో.. హ్యాపీ సేవింగ్స్ ఖాతా లేదా యూపీఐ ద్వారా డెబిట్ లావాదేవీలపై ఒక ఆర్థిక సంవత్సరంలో రూ.7500 వరకు క్యాష్బ్యాక్ ఇవ్వబడుతుంది. దీని కోసం, కనీసం రూ. 500 యూపీఐ లావాదేవీ చేయవలసి ఉంటుంది.
25,000 బ్యాలెన్స్ కంపల్సరీ
యూపీఐ లావాదేవీలపై క్యాష్బ్యాక్ పొందడానికి ఖాతాలో కనీసం రూ. 25,000 బ్యాలెన్స్ నిర్వహించాల్సి ఉంటుందని డీసీబీ బ్యాంక్ ఇచ్చిన సమాచారం. త్రైమాసికంలో చేసిన లావాదేవీల ఆధారంగా క్యాష్బ్యాక్ ఇవ్వబడుతుంది. త్రైమాసికం ముగిసిన తర్వాత ఖాతాలో జమ చేయబడుతుంది. ఏ ఖాతాదారుడైనా ఒక నెలలో గరిష్టంగా రూ.625 క్యాష్బ్యాక్, రూ.7500 వార్షిక క్యాష్బ్యాక్ పొందుతారు.
Read Also:Daggubati Purandeswari: వచ్చే ఎన్నికలకు ఈ సమావేశం చివరిది.. రెండు రోజుల సమావేశాల్లో కీలక నిర్ణయాలు
అందుబాటులో మరికొన్ని సౌకర్యాలు
క్యాష్బ్యాక్తో పాటు డీసీబీ హ్యాపీ సేవింగ్స్ ఖాతాలో బ్యాంక్ తన కస్టమర్లకు అనేక ఇతర ప్రయోజనాలను అందిస్తుంది. ఈ ఖాతాతో మీరు అపరిమిత ఉచిత RTGS, NEFT, IMPS సౌకర్యాలను పొందుతారు. దీనితో పాటు మీరు వ్యక్తిగత బ్యాంకింగ్, డీసీబీ మొబైల్ బ్యాంకింగ్ ప్రయోజనాలను కూడా పొందుతారు. ఇది కాకుండా, మీరు డెబిట్ కార్డ్తో DCB బ్యాంక్ ఏదైనా ATM నుండి అపరిమిత లావాదేవీలు చేయవచ్చు. కొత్త, పాత కస్టమర్లు ఈ సదుపాయాన్ని పొందవచ్చని DCB బ్యాంక్ తెలియజేసింది. అయితే, దీని కోసం వారు తమ ప్రస్తుత ఖాతాను హ్యాపీ సేవింగ్స్ ఖాతాకు బదిలీ చేయాల్సి ఉంటుంది.