custom-ads
Home Top Story United Airlines Planes Wheel Falls Off Soon After Take Off

US Flight: షాకింగ్ వీడియో.. విమానం గాల్లో ఉండగా ఊడిన టైరు

By Suresh Maddala
US Flight: షాకింగ్ వీడియో.. విమానం గాల్లో ఉండగా ఊడిన టైరు

ఈ సీన్ చూస్తే.. విమాన ప్రయాణమంటేనే హడలెత్తిపోతారు. ఈ మధ్య విమాన ప్రమాదాలు విరివిగా జరుగుతూనే ఉన్నాయి. అయినా విమాన సంస్థలు అప్రమత్తం కావడం లేదు. తాజాగా జరిగిన ఈ ఘటన మరింత భయాందోళన కల్గిస్తోంది.

విమానం టేకాఫ్‌ అవుతుంటుండగా దాని చక్రం ఒకటి ఊడి (Tire falls off plane) కిందపడింది. అది కాస్త ఓ కారు మీద పడటంతో ఆ వాహనం నుజ్జునుజ్జయ్యింది. ఈ ఘటన శాన్‌ఫ్రాన్సిస్కో అంతర్జాతీయ విమానాశ్రయంలో చోటుచేసుకుంది.

Also Read

Add as a preferred
source on google

అమెరికా (USA)లోని ప్రముఖ విమానయాన సంస్థ యునైటెడ్‌ ఎయిర్‌లైన్స్‌ (United Airlines)కు చెందిన ఓ విమానం గాల్లో ఉండగా దాని టైరు (Tire) ఊడిపడింది. అప్రమత్తమైన పైలట్లు వెంటనే దారిమళ్లించి ఎమర్జెన్సీ ల్యాండింగ్‌ చేశారు. దీంతో పెను ప్రమాదం తప్పింది. ప్రయాణికులు ఊపిరి పీల్చుకున్నారు.

యునైటెడ్‌ ఎయిర్‌లైన్స్‌కు చెందిన బోయింగ్‌ 777-200 విమానం గురువారం ఉదయం శాన్‌ఫ్రాన్సిస్కో అంతర్జాతీయ ఎయిర్‌పోర్టు నుంచి జపాన్‌లోని ఒసాకాకు బయల్దేరింది. అయితే టేకాఫ్‌ అయిన కొద్ది సేపటికే వెనుక వైపున ల్యాండింగ్‌ గేర్‌లోని ఓ టైరు ఊడిపోయింది. అది విమానాశ్రయంలోని పార్కింగ్‌ స్థలంలో ఉన్న కారుపై బలంగా పడింది. దీంతో వాహనం తీవ్రంగా ధ్వంసమైంది. అయితే ఈ ఘటనలో ఎవరికీ ఎలాంటి గాయాలు కాలేదు.

టైరు ఊడిన విషయాన్ని గుర్తించిన పైలట్లు వెంటనే విమానాన్ని దారిమళ్లించి లాస్‌ఏంజిల్స్‌ ఎయిర్‌పోర్టులో అత్యవసరంగా దించేశారు. అది సురక్షితంగా ల్యాండ్‌ అయ్యిందని.. అందులోని ప్రయాణికులను మరో విమానంలో గమ్యస్థానానికి పంపించామని ఎయిర్‌పోర్టు వర్గాలు వెల్లడించాయి. ఘటన సమయంలో విమానంలో 235 మంది ప్రయాణికులు, 14 మంది సిబ్బంది ఉన్నారు.

 

Ca 2

బోయింగ్‌ 777 విమానాల్లో రెండు ల్యాండింగ్‌ గేర్‌లకు ఆరు చొప్పున టైర్లు ఉంటాయి. చక్రాలు ఊడినా, డ్యామేజ్‌ అయినా విమానం సురక్షితంగా ల్యాండ్‌ అయ్యేలా ఈ మోడల్‌ను డిజైన్‌ చేశారు. తాజా ఘటనపై ఫెడరల్‌ ఏవియేషన్‌ అడ్మినిస్ట్రేషన్‌ అధికారులు దర్యాప్తు చేపట్టారు. ప్రయాణికులు మాత్రం క్షేమంగా వారి గమ్యస్థానాలకు చేరినట్లు అధికారలు తెలిపారు. మొత్తానికి పెద్ద ప్రమాదం తప్పడంతో అందరూ ఊపిరి పీల్చుకున్నారు.

 

 

 

NTV తెలుగు  వాట్సాప్ ఛానల్ ని ఫాలో అవ్వండి

తాజావార్తలు

ట్రెండింగ్‌