Breaking news : ‘టాక్సిక్’ రిలీజ్ వాయిదా.. కొత్త రిలీజ్ డేట్ ఇదే

కన్నడ స్టార్ హీరో యష్  హీరోగా నటిస్తున్న భారీ బడ్జెట్ చిత్రం టాక్సిక్. మలయాళ దర్శకురాలు గీతూ మోహన్ దాస్ దర్శకత్వంలో తెరెకెక్కుతున్న ఈ సినిమాని KVN ప్రొడక్షన్స్ బ్యానర్ అత్యంత భారీ బడ్జెట్ పై నిర్మిస్తోంది. కాగా ఈ సినిమాను మొదట ఈ నెల 19న రిలీజ్ చేస్తామని ప్రకటించారు. అందుకు తగ్గట్టే ప్రమోషన్స్ కూడా జెట్ స్పీడ్ చేసారు మేకర్స్. కానీ ఇప్పడూ ఈ సినిమా రిలీజ్ కు అనుకోని ఆటంకం ఎదురైంది.

ఇరాన్ – ఇజ్రాయెల్ మధ్య కొద్దీ రోజులుగా యుద్ధం జరుగుతున్న సంగతి తెలిసిందే. ఈ యుద్ధం ఇప్పుడు గల్ఫ్ కంట్రీస్ కు పాకింది. దుబాయ్, అబుదాబి, కువైట్, ఖత్తర్ వంటి మిడిల్ ఈస్ట్ కంట్రీస్ పై ఇరాన్ బాంబుల వర్షం కురిపిస్తోంది. ఇరు దేశాల మధ్య జరుగుతున్న యుద్ధ పరిస్థితుల కారణంగా టాక్సిక్ విడుదల వాయిదా వేశారు. GCC దేశాలు ఇండియన్ సినిమాలకు చాలా పెద్ద మార్కెట్. దాంతో స్థానిక పరిస్థితులను దృష్టిలో ఉంచుకుని, డిస్ట్రిబ్యూటర్స్ అభ్యర్థన మేరకు నిర్మాతలు టాక్సిక్ రిలీజ్ ను వాయిదా వేశారు. యుద్ధం ఇప్పట్లో ఆగే సూచనలు కనిపించడం లేదు. ఈ నేపథ్యంలో టాక్సిక్ రిలీజ్ ను ఏకంగా రెండు నెలలు వెనక్కి వేస్తూ జూన్ 4 న రిలీజ్ చేస్తామని ప్రకటించారు మేకర్స్. మరోవైపు మార్చి 8న బెంగళూరు లో ట్రైలర్ లాంచ్ కోసం గ్రాండ్ ఈవెంట్ ఏర్పాటు చేయాలని ప్లాన్ చేసారు. కానీ ప్రస్తుత పరిస్థితుల కారణంగా, ఈ కార్యక్రమం కూడా రద్దు చేయబడింది.