Swag : ‘స్వాగ్’ టీజర్కి టైమ్ ఫిక్స్.. వచ్చేది ఎప్పుడంటే ?
Swag : హీరో శ్రీవిష్ణు వరుస సినిమాలతో వస్తున్నారు. ఇటీవల సామజవరగమన సినిమాతో తన కెరీర్లో బిగ్గెస్ట్ హిట్ కొట్టాడు. ఓం భీమ్ బుష్ అనే మరో కామెడీ ఎంటర్టైన్మెంట్ సినిమాతో వచ్చినా అది ఆశించినంత విజయాన్ని నమోదు చేయలేదు. గతంలో శ్రీవిష్ణుతో రాజా రాజా చోర సినిమా తీసి హిట్ కొట్టిన దర్శకుడు హసిత్ గోలీ ఇప్పుడు ‘స్వాగ్’ అనే కొత్త సినిమాతో ప్రేక్షకుల ముందుకు రాబోతున్నాడు.ఈ సినిమా కథ చాలా విలక్షణంగా ఉండబోతున్నట్లు మేకర్స్ చెబుతున్నారు. అంతే కాకుండా శ్రీవిష్ణు గెటప్ కూడా పూర్తిగా భిన్నంగా ఉండబోతుంది. తాజాగా ఈ సినిమా టైటిల్ గ్లింప్స్ విడుదలయ్యాయి. అడవిలోని జంతువులన్నీ మాట్లాడుకుని కథలు చెప్పుకున్నట్లుగా సునీల్, గంగవ్వల.. వాయిస్ లు పలికి ‘స్వాగ్’ టైటిల్ ప్రకటించారు. ఇక ఈ సినిమా అచ్చ తెలుగు సినిమాగా ప్రచారం జరుగుతోంది. మరి సినిమాలో తెలుగు పదాలు, తెలుగు భాష ఎక్కువగా ఉపయోగిస్తారేమో చూద్దాం.
Read Also:Komatireddy Venkat Reddy: నల్గొండ నియోజకవర్గంలో మంత్రి కోమటిరెడ్డి వెంకటరెడ్డి పర్యటన..
ఈ సినిమా అవుట్ అండ్ అవుట్ కామెడీ జానర్లో రాబోతుందని తెలుస్తోంది. ఈ చిత్రాన్ని పీపుల్ మీడియా ఫ్యాక్టరీ నిర్మిస్తోంది. ఈ చిత్రానికి వివేక్ సాగర్ సంగీతం అందించనున్నారు. ఈ హీరో-డైరెక్టర్ కాంబో మరో హిట్ కొట్టాలని భావిస్తున్నారు. ఇక ‘స్వాగ్’ మూవీ నుండి వరుస అప్డేట్స్ ఇస్తూ మేకర్స్ సందడి చేస్తున్నారు. తాజాగా ఈ చిత్రానికి సంబంధించిన టీజర్ను రిలీజ్ చేసేందుకు చిత్ర బృందం రెడీ అయింది. ఈ చిత్ర టీజర్ను ఆగస్టు 29న సాయంత్రం 4.32 గంటలకు రిలీజ్ చేయబోతున్నట్లు వారు తాజాగా వెల్లడించారు. ఈ టీజర్ ఆద్యంతం ఎంటర్టైనింగ్గా ఉంటుందని చెబుతున్నారు. ఈ సినిమాలో రీతూ వర్మ, మీరా జాస్మిన్, దక్ష నాగర్కర్, శరణ్య ప్రదీప్ ముఖ్య పాత్రల్లో నటిస్తున్నారు. ఈ సినిమాను టి.జి.విశ్వప్రసాద్ ఈ సినిమాను ప్రొడ్యూస్ చేస్తున్నారు.
Read Also:Hemoglobin: హిమోగ్లోబిన్ సమస్యలతో ఇబ్బందులా.. అయితే వీటిని పాటించాల్సిందే..