Australia : ఆస్ట్రేలియాలో భారీ రోడ్డు ప్రమాదం.. పెళ్లి బస్సు బోల్తా 10 మంది మృతి

Australia : ఆస్ట్రేలియాలోని న్యూ సౌత్ వేల్స్‌లో ఘోర రోడ్డు ప్రమాదం జరిగింది. ఆదివారం రాత్రి ఇక్కడ హంటర్ వ్యాలీ ప్రాంతంలో పెళ్లికి వచ్చిన అతిథులతో వెళ్తున్న బస్సు కాలువలో పడిపోయింది. ఈ ప్రమాదంలో 10 మంది చనిపోయారు…11 మంది గాయపడ్డారు. ప్రస్తుతం వారు ఆసుపత్రిలో చికిత్స పొందుతున్నారు. గ్రేటాలోని హంటర్ ఎక్స్‌ప్రెస్‌వే ఆఫ్-ర్యాంప్ సమీపంలో వైన్ కంట్రీ డ్రైవ్‌లో ప్రమాదం జరిగిందని ఆస్ట్రేలియా పోలీసులు తెలిపారు. ప్రమాదం జరిగిన వెంటనే అత్యవసర సేవలు అందించారు. గాయపడిన 11 మందిని హెలికాప్టర్, రోడ్డు మార్గంలో ఆసుపత్రికి తరలించినట్లు పోలీసులను ఉటంకిస్తూ సిడ్నీ మార్నింగ్ హెరాల్డ్ తెలిపింది. ఈ ప్రమాదంలో 18 మంది ప్రయాణికులు సురక్షితంగా బయటపడ్డారు.

Read Also:Chandoo Mondeti : ఆ బ్యానర్ నుంచి భారీ ఆఫర్ అందుకున్న చందు మొండేటి..?

పోలీసులు తెలిపిన వివరాల ప్రకారం.. బస్సు బోల్తా పడిన సమాచారం అందుకున్న వెంటనే రాత్రి 11:30 గంటల తర్వాత (స్థానిక కాలమానం ప్రకారం) అత్యవసర సేవలను రంగంలోకి దింపారు. హంట్లీలోని న్యూ ఇంగ్లాండ్ హైవే , బ్రిడ్జ్ స్ట్రీట్ రౌండ్‌అబౌట్ మధ్య రెండు దిశలలో వైన్ కంట్రీ డ్రైవ్ మూసివేయడంతో భారీ అత్యవసర ఆపరేషన్ అమలులో ఉంది. బస్సు డ్రైవర్‌ను తప్పనిసరి పరీక్షలు, తనిఖీల కోసం పోలీసు రక్షణలో ఆసుపత్రికి తరలించారు. గాయపడిన బాధితులను రోడ్డు, విమానంలో న్యూ లాంబ్టన్ హైట్స్‌లోని జాన్ హంటర్ ఆసుపత్రికి, వారతాలోని మేటర్ ఆసుపత్రికి తరలించారు.

Read Also:Love Jihad : బెంగళూరులో మరో లవ్ జిహాద్ కేసు.. పోలీసులను ఆశ్రయించిన యువతి

ప్రమాదం తర్వాత నిపుణులైన ఫోరెన్సిక్ పోలీసులు, క్రాష్ ఇన్వెస్టిగేషన్ యూనిట్ సోమవారం విశ్లేషిస్తారని స్థానిక మీడియా నివేదించింది. సెస్నాక్ మేయర్, జే సువాల్, బస్సు ప్రమాద వార్తను భయానకమైనదిగా అభివర్ణించారు. నైన్ టుడే కార్యక్రమంలో మీడియాతో మాట్లాడుతూ.. ప్రమాదంలో చిక్కుకున్న వారికి అన్ని విధాలా సాయపడతామని జై సువాల్ అన్నారు.