TGSEB: SSC, ఇంటర్ బోర్డుల విలీనం తథ్యం..

TGSEB: ఎస్ఎస్‌సీ, ఇంటర్ బోర్డులు విలీనం కానున్నాయి! తెలంగాణ విజన్ 2047 డాక్యుమెంట్ లో పొందు పర్చిన ప్రభుత్వం ఈ అంశాన్ని పొందుపర్చింది. సెకండరీ స్కూల్ సర్టిఫికేట్ (SSC), ఇంటర్మీడియట్ బోర్డులను కలిపి, తెలంగాణ స్కూల్ ఎడ్యుకేషన్ బోర్డు (TGSEB) ఏర్పాటు చేయనుంది. గ్రేడ్స్ I నుంచి XII వరకు అన్ని తరగతులను పర్యవేక్షించే ఒకే సంస్థగా తెలంగాణ స్కూల్ ఎడ్యుకేషన్ బోర్డు (TGSEB).. ఈ బోర్డు ద్వారా అప్పర్ ప్రైమరీ, సెకండరీ, హైయర్ సెకండరీ స్థాయుల్లో పాఠ్య ప్రణాళిక (Curriculum), మదింపు (Assessment)లో సమగ్రత (Coherence) ఉండేలా చర్యలు తీసుకోనున్నారు. ముఖ్యంగా గ్రేడ్ X , XII వద్ద ఉండే కీలకమైన పరీక్షలు (పబ్లిక్ ఎగ్జామినేషన్స్), సర్టిఫికేషన్ ప్రక్రియలను TGSEB నిర్వహించి, పర్యవేక్షిస్తుంది.

READ MORE: Akhanda 2 Thaandavam: మరికొన్ని గంటల్లో రిలీజ్.. ‘అఖండ 2’ నుంచి ఎమోషనల్‌ ఆడియో సాంగ్‌!

తెలంగాణ స్కూల్ స్టాండర్డ్స్ అథారిటీ ప్రకారం.. పాఠశాలల్లో విద్య నాణ్యత, ప్రమాణాలు, గుర్తింపు (Accreditation) ప్రక్రియలను పర్యవేక్షించడానికి ఒక స్వతంత్ర సంస్థగా తెలంగాణ స్కూల్ స్టాండర్డ్స్ అథారిటీ (TGSSA) పనిచేస్తుంది. ఇది ప్రభుత్వ, ఎయిడెడ్, ప్రైవేట్ మరియు రెసిడెన్షియల్ పాఠశాలలన్నింటికీ వర్తిస్తుంది. కేంద్ర ప్రభుత్వం నిర్దేశించిన స్కూల్ క్వాలిటీ & అసెస్‌మెంట్ అక్రిడిటేషన్ ఫ్రేమ్‌వర్క్ (SQAAF) కు అనుగుణంగా TGSSA ఒక రాష్ట్ర స్థాయి ఫ్రేమ్‌వర్క్‌ను (State School Quality & Assessment Framework) రూపొందించి అమలు చేస్తుంది. పాఠశాల నాణ్యత , లెర్నింగ్ స్టాండర్డ్స్ (SQLS) ను SQAAF ప్రమాణాలకు మ్యాప్ చేయడం ద్వారా ఈక్విటీ (Equity), లెర్నింగ్ ఫలితాలు, బోధనా సమయం, పరిపాలన (Governance), భద్రత (Safety) మరియు పాఠశాల ప్రక్రియలను పర్యవేక్షిస్తుంది. VSK (Vidyarthi Samagra Kosh) తో అనుసంధానించి, అన్ని పాఠశాలలకు పోల్చదగిన కీలక పనితీరు సూచికలను (Comparable Key Performance Indicators – KPIs) కలిగి ఉన్న స్కూల్ రిపోర్ట్ కార్డులను ప్రచురిస్తుంది.

READ MORE: Oasis Janani Yatra: వరంగల్ చేరిన ‘ఓయాసిస్ జనని యాత్ర’.. దంపతులకు ఉచిత ఫెర్టిలిటీ సంప్రదింపులు!

TGSSA రాష్ట్రంలోని వివిధ రెసిడెన్షియల్ పాఠశాలలు/హాస్టల్ వ్యవస్థలకు (TGSWREIS, TGTWREIS, TGMREIS, MJPTGBCWREIS, KGBV లు, ప్రైవేట్ రెసిడెన్షియల్ స్కూల్స్) ప్రమాణాలను సెట్ చేసి, వాటిని పర్యవేక్షిస్తుంది. ఇందులో బోర్డింగ్, భద్రత, స్టాఫ్-విద్యార్థి నిష్పత్తి (Staff-Student Ratios) మరియు కౌన్సెలింగ్ వంటి అంశాలు ఉంటాయి.పాఠశాలల గుర్తింపు (Recognition), పునరుద్ధరణ (Renewal), అక్రిడిటేషన్ సైకిల్స్ కోసం సింగిల్-విండో డిజిటల్ పోర్టల్‌ను అమలు చేస్తుంది. ఇది స్వీయ-మదింపు (Self-evaluation), జియో-ట్యాగ్ చేయబడిన ఆధారాలు, రిస్క్-ఆధారిత తనిఖీల (Risk-based Inspections) ఆధారంగా పనిచేస్తుంది. EdTech, పిల్లల డేటా రక్షణకు సంబంధించిన నిబంధనలు, కంటెంట్ నాణ్యత ప్రమాణాలు (Content Quality Norms), భద్రతా మార్గదర్శకాలు, గోప్యతా (Privacy) నిబంధనలతో కూడిన మార్గదర్శకాలను SQAAF లో భాగంగా TGSSA పర్యవేక్షిస్తుంది.