Allu Arjun Cast his Vote: తెలంగాణ అసెంబ్లీ ఎన్నికలకు 119 నియోజకవర్గాల్లో పోలింగ్‌ మొదలైంది. ఈరోజు ఉదయం 7 గంటలకు పోలింగ్‌ ఆరంభం అయింది. తమ ఓటు హక్కును వినియోగించుకునేందుకు ఉదయం నుంచే ఓటర్లు పోలింగ్‌ కేంద్రాలకు క్యూ కట్టారు. సెలెబ్రిటీలు సైతం ఉదయమే తమ ఓటును వేసేందుకు వస్తున్నారు. స్టైలిష్ స్టార్ అల్లు అర్జున్‌ తన ఓటు హక్కు వినియోగించుకున్నారు.
Also Read: Telangana Elections 2023: తెలంగాణలో పోలింగ్‌.. ప్రధాని మోడీ ట్వీట్‌!
జూబ్లీహిల్స్‌లోని బీఎస్‌ఎన్‌ఎల్‌ పోలింగ్‌ బూత్‌లో అల్లు అర్జున్‌ ఓటు వేశారు. సామాన్యుల వెనుక వరుసలో నిలబడిన స్టైలిష్ స్టార్.. తన వంతు వచ్చిన తర్వాత ఓటు హక్కు వినియోగించుకున్నారు. ఇందుకు సంబందించిన ఫొటోస్ సోషల్ మీడియాలో వైరల్ అవుతున్నాయి. మరోవైపు జూనియర్ ఎన్టీఆర్‌ కూడా ఓటు వేశారు. కుటుంబంతో కలిసి వచ్చిన ఎన్టీఆర్‌.. జూబ్లీహిల్స్‌ ఓబుల్‌రెడ్డి పబ్లిక్‌ స్కూల్‌లో ఓటు వేశారు.