Telangana DA Hike: ఉద్యోగులకు దసరా కానుక.. డీఏ పెంచుతూ ప్రభుత్వం ఉత్తర్వులు.. బకాయిల చెల్లింపుపై క్లారిటీ!
- Follow Us :
-
-
Add as a preferred
source on google
Telangana DA Hike: తెలంగాణలోని ప్రభుత్వ ఉద్యోగులకు రాష్ట్ర ప్రభుత్వం దసరా కానుకగా అదిరిపోయే శుభవార్త అందించింది. ప్రతిఒక్కరూ ఎంతోకాలంగా ఆసక్తిగా ఎదురుచూస్తున్న కరువు భత్యం (డీఏ) పెంపుపై ప్రభుత్వం అధికారికంగా ఉత్తర్వులు జారీ చేసింది. రెండు పెండింగ్ డీఏలకు సంబంధించి స్పష్టమైన నిర్ణయం తీసుకోవడంతో పాటు వేర్వేరు పే స్కేళ్ల ఉద్యోగులకు భారీగా ప్రయోజనం చేకూరేలా డీఏను సవరించింది. ఈ నిర్ణయంతో ఉద్యోగుల బేసిక్ జీతం ఆధారంగా జీతాల్లో దాదాపు 6.43 శాతం మేర పెరుగుదల నమోదవుతుంది. ప్రధానంగా సాధారణ డీఏను జనవరి 2024 నుంచి 33.67 శాతం నుంచి 37.31 శాతానికి పెంపు చేయగా, ఆ తర్వాత జూలై 2024 నుంచి దానిని మరింత పెంచుతూ 40.04 శాతానికి తీసుకెళ్లారు. ఇక రివైజ్డ్ పే స్కేల్-2020 వర్తించే ఉద్యోగులకు డీఏను 37.31 శాతం నుంచి నేరుగా 40.04 శాతానికి పెంచారు. 2015 పే స్కేల్ ఉద్యోగుల విషయానికి వస్తే, మొదట 73.344 శాతం ఉన్న డీఏను 78.06 శాతానికి, జూలై 2024 నాటికి దానిని 81.728 శాతానికి పెంచుతూ తీపి కబురు చెప్పారు.
అంతేకాకుండా, ఉన్నత విద్యార్హతలు కలిగిన యూజీసీ (UGC), ఏఐసీటీఈ (AICTE) పే స్కేళ్ల ఉద్యోగుల విషయంలోనూ ప్రభుత్వం ఊరట కలిగించే ప్రకటన చేసింది. 2016 పే స్కేల్ ఉద్యోగులకు మొదట డీఏను 46 శాతం నుంచి 50 శాతానికి, జూలై 2024 నాటికి 53 శాతానికి పెంపు చేశారు. అలాగే 2006 పే స్కేల్ పరిధిలోకి వచ్చే ఉద్యోగులకు డీఏను 230 శాతం నుంచి 239 శాతానికి, జూలై 2024 నాటికి ఏకంగా 246 శాతానికి పెంచారు. క్షేత్రస్థాయిలో విధులు నిర్వర్తించే పార్ట్ టైమ్ అసిస్టెంట్లు, గ్రామ రెవెన్యూ అసిస్టెంట్లకు (VRA) కూడా సాయం అందించేందుకు నెలకు అదనంగా రూ.100 చొప్పున పెంచుతూ ఉత్తర్వుల్లో పేర్కొన్నారు. పెంచిన ఈ ఆకర్షణీయమైన డీఏను 2026 అక్టోబర్ నెల వేతనంతో కలిపి నవంబర్ 1వ తేదీన ఉద్యోగుల చేతికి అందించనున్నారు. కేవలం డీఏ పెంపే కాకుండా, గతానికి సంబంధించిన భారీ బకాయిల సమగ్ర చెల్లింపులకు కూడా ప్రభుత్వం మార్గం సుగమం చేసింది. జనవరి 2024 నుంచి సెప్టెంబర్ 2026 వరకు పేరుకుపోయిన డీఏ బకాయిలను మొత్తం 33 సమాన వాయిదాల్లో అందించనుండగా, జూలై 2024 నుంచి సెప్టెంబర్ 2026 వరకు ఉన్న బకాయిలను 27 వాయిదాల్లో సర్దుబాటు చేస్తారు. ఈ బకాయిల మొత్తాన్ని ఉద్యోగుల జీపీఎఫ్ (GPF) ఖాతాల్లో నేరుగా జమ చేయాలని స్పష్టమైన ఆదేశాలు ఇచ్చారు.
Also Read
- Smart Phone Prices Hike: సెల్ఫోన్ లవర్స్కు బ్యాడ్న్యూస్.. ఈ రెండు కంపెనీల ఫోన్ల ధరలు భారీగా పెంపు..
- Sonia Gandhi Memoir: సోనియా గాంధీ ఆత్మకథలో తప్పులు.. దాచిన విషయాలే వివాదాలు!
- No Flying Zone: విజయవాడలో అమిత్ షా పర్యటన.. కీలక ప్రాంతాల్లో 'నో ఫ్లైయింగ్ జోన్' అమలు..
- Rajat Patidar: 48 బంతుల్లో 135 పరుగులు.. ఆర్సీబీ కెప్టెన్ వీరవిహారం..
తాజావార్తలు
-
Smart Phone Prices Hike: సెల్ఫోన్ లవర్స్కు బ్యాడ్న్యూస్.. ఈ రెండు కంపెనీల ఫోన్ల ధరలు భారీగా పెంపు..
-
Sai Pallavi : జుట్టు కట్ చేస్తున్నానని తెలిసి మా అమ్మ ఫోన్ కట్ చేసింది.. పెద్ద దుమారమే రేపింది
-
Sonia Gandhi Memoir: సోనియా గాంధీ ఆత్మకథలో తప్పులు.. దాచిన విషయాలే వివాదాలు!
-
No Flying Zone: విజయవాడలో అమిత్ షా పర్యటన.. కీలక ప్రాంతాల్లో ‘నో ఫ్లైయింగ్ జోన్’ అమలు..
-
Rajat Patidar: 48 బంతుల్లో 135 పరుగులు.. ఆర్సీబీ కెప్టెన్ వీరవిహారం..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!