Congress: నేడు తెలంగాణ కాంగ్రెస్ లోక్సభ అభ్యర్థుల జాబితా విడుదల..

లోక్ సభ ఎన్నికల అభ్యర్థులకు సంబంధించి మొదటి జాబితాపై కాంగ్రెస్ అధిష్టానం కసరత్తు చేసింది. ఈరోజు.. 10 రాష్ట్రాల నుంచి దాదాపు 60 సీట్లకు అభ్యర్థుల పేర్లను ప్రకటించనుంది. తెలంగాణలో 9 మందితో మొదటి జాబితా విడుదల అయ్యే అవకాశం ఉన్నట్లు తెలుస్తోంది. కింద సూచించిన అభ్యర్థులు దాదాపు ఖరారు అయినట్లు సమాచారం.

మహబూబ్ నగర్- వంశీచంద్ రెడ్డి
చేవెళ్ల- సునీతా మహేందర్ రెడ్డి
నల్గొండ- రఘువీర్ రెడ్డి
సికింద్రాబాద్- బొంతు రామ్మోహన్
నిజామాబాద్- జీవన్ రెడ్డి
కరీంనగర్- ప్రవీణ్ రెడ్డి
పెద్దపల్లి- గడ్డం వంశీ
జహీరాబాద్- సురేష్ షెట్కార్
మెదక్- నీలం మధు

నిన్న ఢిల్లీలోని అక్బర్ రోడ్‌లో గల ఏఐసీసీ ప్రధాన కార్యాలయంలో మల్లికార్జున ఖర్గే నేతృత్వంలో కాంగ్రెస్ కేంద్ర ఎన్నికల కమిటీ సమావేశం నిర్వహించింది. ఈ సమావేశంలో పార్టీ అగ్రనేత సోనియాగాంధీ, పార్టీ జనరల్ సెక్రటరీ కేసీ వేణుగోపాల్, ముఖ్యనేతలు జైరాం రమేశ్, మంత్రి ఉత్తమ్ ​కుమార్ ​రెడ్డి, అధిర్ రంజన్ చౌదరి, అంబికా సోని, ముకుల్ వాస్నిక్, టీఎస్ సింగ్ డియో సహా సీఈసీ సభ్యులు పాల్గొన్నారు. వర్చువల్‌గా రాహుల్ గాంధీ ఈ సమావేశానికి హాజరయ్యారు. ఈ సమావేశంలో తెలంగాణ, కర్నాటక, కేరళ, ఛత్తీస్​గఢ్​, హర్యానా, ఢిల్లీ, ఈశాన్య రాష్ట్రాలతో సహా వివిధ రాష్ట్రాల్లో లోక్ సభ అభ్యర్థుల ఎంపికపై వేర్వేరుగా చర్చించారు.