Team India Schedule: జింబాబ్వే పర్యటనను 3-0తో విజయవంతంగా ముగించిన టీమిండియా ఇప్పుడు తన తదుపరి అంతర్జాతీయ సిరీస్లకు సిద్ధమవుతోంది. ఆగస్టులో శ్రీలంక పర్యటనతో భారత జట్టు కొత్త సవాళ్లను ఎదుర్కోనుండగా.. సెప్టెంబర్ చివర్లో స్వదేశంలో వెస్టిండీస్తో వన్డే, టీ20 సిరీస్లు ఆడనుంది. రెండు టెస్టులు, మూడు వన్డేలు, ఐదు టీ20 మ్యాచ్లతో వచ్చే 2 నెలలు టీమిండియా బిజీ షెడ్యూల్ను ఎదుర్కోబోతోంది.
శ్రీలంక పర్యటన:
జింబాబ్వే సిరీస్ అనంతరం టీమిండియా శ్రీలంక పర్యటనకు వెళ్లనుంది. ఈ పర్యటనలో రెండు టెస్టు మ్యాచ్లు జరగనున్నాయి. మొదటి టెస్టు ఆగస్టు 15 నుంచి 19 వరకు గాలే వేదికగా జరగనుంది. ఆపై రెండో టెస్టు ఆగస్టు 23 నుంచి 27 వరకు కొలంబోలోని ఎస్ఎస్సీ మైదానంలో నిర్వహించనున్నారు. ఈ రెండు మ్యాచ్లు ప్రపంచ టెస్టు ఛాంపియన్షిప్ (WTC) పాయింట్ల పరంగా కీలకంగా మారనున్నాయి.
స్వదేశంలో వెస్టిండీస్తో సిరీస్:
శ్రీలంక పర్యటన ముగిసిన తర్వాత భారత జట్టు స్వదేశంలో వెస్టిండీస్తో తలపడనుంది. మూడు మ్యాచ్ల వన్డే సిరీస్ సెప్టెంబర్ 27 నుంచి ప్రారంభం కానుంది. వన్డే సిరీస్ డీటెయిల్స్..
* సెప్టెంబర్ 27 – తొలి వన్డే – తిరువనంతపురం.
* సెప్టెంబర్ 30 – రెండో వన్డే – గువాహటి.
* అక్టోబర్ 3 – మూడో వన్డే – న్యూ చండీగఢ్
ఈ 3 వన్డే మ్యాచ్లు మధ్యాహ్నం 2 గంటలకు ప్రారంభం కానున్నాయి. ఈ వన్డే మ్యాచ్లు పూర్తి కాగానే.. ఐదు మ్యాచ్ల టీ20 సిరీస్ జరగనుంది.
టీ20 సిరీస్:
ఈ సిరీస్ అక్టోబర్ 6 నుంచి 17 వరకు కొనసాగుతుంది. టీ20 సిరీస్ షెడ్యూల్ ఇలా..
* అక్టోబర్ 6 – తొలి టీ20 – లక్నో.
* అక్టోబర్ 9 – రెండో టీ20 – రాంచీ.
* అక్టోబర్ 11 – మూడో టీ20 – ఇండోర్.
* అక్టోబర్ 14 – నాలుగో టీ20 – హైదరాబాద్.
* అక్టోబర్ 17 – ఐదో టీ20 – బెంగళూరు.
ఈ ఐదు మ్యాచ్లు కూడా సాయంత్రం 7 గంటలకు ప్రారంభం కానున్నాయి.