Machani Somnath: రాష్ట్రం అభివృద్ధి చెందాలంటే చంద్రబాబుతోనే సాధ్యం..

ఎమ్మిగనూరు నియోజకవర్గంలోని గొనెగండ్ల మండలంలోని బి.అగ్రహారంలో ఇంటింటి ప్రచారంలో భాగంగా టీడీపీ నేత మాచాని సోమనాథ్ పర్యటించారు. ఈ సందర్భంగా రాష్ట్ర అభివృద్ధి జరగాలంటే తెలుగు దేశం పార్టీ జాతీయ అధినేత నారా చంద్రబాబు నాయుడితోనే సాధ్యమని తెలిపారు. బాబు షూరిటీ-భవిష్యత్తుకు గ్యారంటీ అనే కార్యక్రమంలో పాల్గొన్నారు. సంపదను ఎలా సృష్టించాలి అన్న లక్ష్యాలతో చంద్రబాబు ఈ కార్యక్రమాన్ని చేపట్టబోతున్నారని టీడీపీ డాక్టర్ మాచాని సోమనాథ్ వెల్లడించారు.

Read Also: Abdul Kalam Biopic: అబ్దుల్ కలాం బయోపిక్.. రంగంలోకి అభిషేక అగర్వాల్?

అయితే, ఎమ్మిగనూరు నియోజకవర్గంలో ప్రతి మండలం, ప్రతి గ్రామంలో, ప్రతి వార్డులో ప్రజలు తనకు నీరాజనం పడుతున్నారని టీడీపీ నేత డాక్టర్ మాచాని సోమనాథ్ తెలిపారు. తనకు పదవి ఉన్నా లేకపోయినా ప్రజాసేవ చేస్తానన్నారు. తమ కుటుంబం ఎప్పుడూ ప్రజాసేవలోనే ఉంది.. ఎమ్మిగనూరు నియోజకవర్గంలో ఎక్కడ పర్యటిస్తున్న మీరే తమ ఎమ్మెల్యే అని ప్రజలే అంటున్నారు.. తాను ఎమ్మెల్యే అవుతానో లేదో ప్రజలే నిర్ణయిస్తారు.. పార్టీ ఆదేశిస్తే ఎమ్మెల్యేగా పోటీ చేసి చంద్రబాబుకు నా విజయాన్ని బహుమతిగా ఇస్తానని ఆయన చెప్పుకొచ్చారు. ఇది అత్త అల్లుడు మధ్య జరుగుతున్న యుద్ధం కానే కాదు.. ఇది అభివృద్ధి నిరంకుశ పాలన, మంచి చెడుకు జరుగుతున్న ధర్మ యుద్ధం అని పేర్కొన్నారు. ఈ యుద్ధంలో మంచి ఎప్పుడూ గెలుస్తుందని డాక్టర్ మాచాని సోమనాథ్ పేర్కొన్నారు.