Tarun Tejpal: భారత మీడియాను ఊపేసిన కేసులో క్లైమాక్స్.. ‘తెహల్కా’ వ్యవస్థాపకుడికి హైకోర్టులో బిగ్ షాక్..
- Follow Us :
-
-
Add as a preferred
source on google
Tarun Tejpal: 2013 నాటి సంచలనాత్మక లైంగిక దాడి కేసులో ప్రముఖ పాత్రికేయుడు, ‘తెహల్కా’ వ్యవస్థాపకుడు తరుణ్ తేజ్పాల్కు బాంబే హైకోర్టు గోవా బెంచ్ కోలుకోలేని షాక్ ఇచ్చింది. ఈ కేసులో ఆయనను నిర్దోషిగా ప్రకటిస్తూ 2021లో గోవా సుషన్ కోర్టు ఇచ్చిన తీర్పును తప్పుబడుతూ, రద్దు చేసిన హైకోర్టు.. తేజ్పాల్ను దోషిగా తేలుస్తూ సంచలన తీర్పు వెలువరించింది. ఈ కేసులో ఆయనకు విధించే శిక్ష (క్వాంటమ్ ఆఫ్ పనిష్మెంట్) వివరాలను మధ్యాహ్నం 2.30 గంటలకు ప్రకటించనుంది. దేశవ్యాప్తంగా తీవ్ర దుమారం రేపిన ఈ ఉదంతం నవంబర్ 2013లో జరిగింది. గోవాలోని ఒక రిసార్ట్లో తెహల్కా మ్యాగజైన్ నిర్వహించిన వార్షిక ‘థింక్ఫెస్ట్’ వేడుకల సమయంలో, అదే సంస్థలో పనిచేసే ఓ మహిళా ఉద్యోగిపై లిఫ్ట్లో తరుణ్ తేజ్పాల్ లైంగిక దాడికి పాల్పడినట్లు ఆరోపణలు వచ్చాయి. సుదీర్ఘ కాలంగా సాగుతున్న ఈ హైప్రొఫైల్ విచారణలో జస్టిస్ డాక్టర్ నీలా గోఖలే, జస్టిస్ అమిత్ జంసండేకర్లతో కూడిన ధర్మాసనం గురువారం తుది తీర్పును వెలువరించింది. ఈ కేసులో గోవా ట్రయల్ కోర్టు ఆర్డర్ను పక్కనపెడుతూ తేజ్పాల్ను దోషిగా ఖరారు చేస్తున్నట్లు న్యాయమూర్తులు స్పష్టం చేశారు.
భారత శిక్షా స్మృతి (IPC) ప్రకారం తీవ్రమైన నేరాల కింద ఆయనను బాంబే హైకోర్టు దోషిగా తేల్చింది. తన ఆధిక్యతను, నమ్మకాన్ని దుర్వినియోగం చేస్తూ బాధితురాలిపై లైంగిక దాడికి పాల్పడినందుకు సెక్షన్ 376(2)(f), అధికారం, పర్యవేక్షణ హోదాలో ఉండి లైంగిక దాడికి పాల్పడినందుకు సెక్షన్ 376(2)(k) కింద తేజ్పాల్ను దోషిగా నిర్ణయించింది. వీటితో పాటు లైంగిక వేధింపులను నిరోధించే సెక్షన్ 354A, మహిళను వివస్త్రను చేసే ఉద్దేశంతో దాడికి పాల్పడడాన్ని శిక్షించే సెక్షన్ 354B కింద కూడా నేరం రుజువైనట్లు ప్రకటించింది. చట్టం ప్రకారం సెక్షన్ 354A కింద ఏడాది నుంచి మూడేళ్ల వరకు జైలు శిక్ష పడే అవకాశం ఉండగా, సెక్షన్ 354B అనేది బెయిల్ రాని తీవ్రమైన నేరం కావడం వల్ల 3 నుంచి 7 ఏళ్ల వరకు జైలు శిక్ష పడే అవకాశం ఉంది.
Also Read
- Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
- Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- UP Congress-SP Alliance: 181 సీట్లు కోరుతున్న కాంగ్రెస్.. లీకైన జాబితాతో అఖిలేష్పై ఒత్తిడి!
తీర్పు వెలువరించే సమయంలో తరుణ్ తేజ్పాల్ స్వయంగా కోర్టులో ఉన్నారు. ఈ సందర్భంగా కోర్టు ఆయనను ఉద్దేశించి ఏమైనా చెప్పుకోవాలనుకుంటున్నారా అని ప్రశ్నించగా… “నేను గత 30 ఏళ్లుగా నిజాన్నే సమాజం ముందుకు తెస్తున్నాను. నాకు ఇద్దరు కుమార్తెలు, భార్య ఉన్నారు. ప్రస్తుతం నా వయస్సు 62 ఏళ్లు” అని తెలుపుతూ తన వయోభారాన్ని పరిగణనలోకి తీసుకుని శిక్ష తగ్గించాలని (లక్షణాలు/సడలింపు ఇవ్వాలని) కోర్టును వేడుకున్నారు. అంతేకాకుండా ఈ తీర్పుపై ఉన్నత న్యాయస్థానంలో అప్పీల్ చేయనున్నట్లు, తన లాయర్ సూచన మేరకు కోర్టు ముందు సడలింపు కోరుతున్నానని తేజ్పాల్ వ్యాఖ్యానించారు. భారత మీడియా రంగాన్ని ఊపేసిన ఈ కేసులో మధ్యాహ్నం కోర్టు ఎలాంటి శిక్ష ఖరారు చేస్తుందనేది అత్యంత ఆసక్తికరంగా మారింది.
తాజావార్తలు
-
Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
-
Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!