ఈ వారం రెండు ఆసక్తికరమైన సినిమాలు ప్రేక్షకుల ముందుకు రాబోతున్నాయి. ఈ రెండు సినిమాలు సంక్రాంతి సందర్భంగా తమిళంలో రిలీజ్ అయ్యాయి. అందులో ఒకటి సూపర్ హిట్ కాగా మరొకటి భారీ డిజాస్టర్ టాక్ తెచ్చుకుంది.. అసలు విషయం ఏమిటంటే విశాల్ హీరోగా వరలక్ష్మి శరత్ కుమార్, అంజలి హీరోయిన్లుగా తెరకెక్కిన మద గజ రాజా అనే సినిమా సంక్రాంతి సందర్భంగా ప్రేక్షకుల ముందుకు వచ్చింది. సుమారు 12 ఏళ్ల క్రితం రిలీజ్ కావాల్సిన ఈ సినిమా పలు కారణాలతో వాయిదా పడి చివరికి ఈ సంక్రాంతి సందర్భంగా ప్రేక్షకుల ముందుకొచ్చింది.
Vishal : తెలుగు మీడియాని లైట్ తీసుకున్న విశాల్?
మొదటి ఆట నుంచి పాజిటివ్ టాక్ రావడంతో సినిమాకి కలెక్షన్ల వర్షం కురుస్తోంది. ఈ సినిమా సూపర్ హిట్ కావడంతో తెలుగులో రిలీజ్ చేయాలని ప్లాన్ చేశారు. ఈ సినిమా ఈ వారం జనవరి 31వ తేదీన ప్రేక్షకుల ముందుకు రాబోతోంది. మరో ఆసక్తికరమైన విషయం ఏమిటంటే శంకర్ కుమార్తె అదితి శంకర్ హీరోయిన్ గా హీరో అధర్వ మురళి సోదరుడు హీరోగా లాంచ్ చేస్తూ నెసప్పియాన్ అనే సినిమా తెరకెక్కించారు. తెలుగులో పంజా లాంటి సినిమా చేసిన డైరెక్టర్ విష్ణువర్ధన్ డైరెక్ట్ చేసిన ఈ సినిమా సంక్రాంతి సందర్భంగా తమిళనాడులో రిలీజ్ అయ్యి భారీ డిజాస్టర్ టాక్ తెచ్చుకుంది. ఈ సినిమా అక్కడ వర్కౌట్ కాకపోయినా తెలుగులో వర్కౌట్ అవుతుందేమో అనే ఆశతో దాన్ని తెలుగులో రిలీజ్ చేసేందుకు ప్లాన్ చేశారు. ఈ జనవరి 30వ తేదీన ఈ సినిమా ప్రేక్షకులు ముందుకు రాబోతోంది. ఈ మేరకు ఈరోజు ట్రైలర్ కూడా రిలీజ్ చేశారు మేకర్స్ తెలుగులో ఈ సినిమాని ప్రేమిస్తావా పేరుతో రిలీజ్ చేస్తున్నారు. ట్రైలర్ కట్ అయితే బాగుంది కానీ రిజల్ట్ ఎలా ఉంటుందో చూడాలి.