Tamannaah: విజయ్ వర్మతో బ్రేకప్ తర్వాత.. పెళ్లిపై తమన్నా క్లారిటీ..

ఇండస్ట్రీలో లవ్.. బ్రేకప్ లు కామన్. ఇందులో భాగంగా సీనియర్ హీరోయిన్ తమన్న, విజయ్ వర్మల జంట ఎంత ఫేమస్ అయిందో అంతే త్వరగా ముగిసిపోయింది. అప్పటి నుండి వీరి ప్రేమ వ్యవహారాలపై తరచూ ఏదో ఒక వార్త సోషల్ మీడియాలో వినిపిస్తూనే ఉంటుంది. అయితే తన వ్యక్తిగత జీవితంపై వస్తున్న రూమర్లకు ఆమె ఎప్పటికప్పుడు క్లారిటీ ఇస్తూనే ఉన్నప్పటికీ, తాజాగా ప్రేమ గురించి ఆమె చేసిన వ్యాఖ్యలు ఇప్పుడు నెట్టింట వైరల్ అవుతున్నాయి.

జీవితంలో కేవలం ఒక్కరితోనే ప్రేమలో ఉండాలనే నియమం లేదని, ఎన్నిసార్లయినా ప్రేమలో పడే అవకాశం ఉంటుందంటూ తమన్నా చేసిన కామెంట్స్ చర్చనీయాంశంగా మారాయి. ముఖ్యంగా బంధాల గురించి మాట్లాడుతూ.. ‘‘రిలేషన్ షిప్స్ అనేవి మనల్ని బంధించేవిగా ఉండకూడదని, మన వ్యక్తిగత ఎదుగుదలకు తోడ్పడేలా ఉండాలి’’ అని ఆమె అభిప్రాయపడ్డారు. అలాంటి సరైన బంధం దొరికే వరకూ కొత్త బంధాలను వెతుక్కోవడంలో తప్పులేదన్నట్లుగా తమన్నా వ్యాఖ్యానించడం విశేషం. విజయ్ వర్మతో విడిపోయిన తర్వాత ఆమె నుంచి ఇలాంటి మాటలు రావడంతో ఇండస్ట్రీ వర్గాల్లో ఈ విషయంపై రకరకాల చర్చలు నడుస్తున్నాయి. ఇక పెళ్లి విషయానికి వస్తే, ప్రస్తుతానికి తనకు వివాహం చేసుకునే ఆలోచన ఏమాత్రం లేదని తమన్నా కుండ బద్దలు కొట్టేసింది. తన కెరీర్, వ్యక్తిగత స్వేచ్ఛకు ప్రాధాన్యత ఇస్తూ, సరైన సమయం వచ్చినప్పుడే ఆ నిర్ణయం తీసుకుంటానని ఆమె పరోక్షంగా వెల్లడించారు. వరుస సినిమాలతో బిజీగా ఉన్న ఈ మిల్కీ బ్యూటీ, తన ఒంటరి జీవితాన్ని ఎంజాయ్ చేస్తున్నట్లుగా తన మాటల ద్వారా క్లారిటీ ఇచ్చారు.