Suzuki Burgman: సుజుకి బర్గ్‌మాన్ స్ట్రీట్ 125.. 125cc సెగ్మెంట్‌లో బెస్ట్ ఫ్యామిలీ స్కూటర్?

సుజుకి బర్గ్‌మాన్ స్ట్రీట్ 125 భారతదేశంలో అత్యంత ప్రముఖమైన మాక్సి-స్టైల్ స్కూటర్లలో ఒకటి. ఇది స్టైలిష్ లుక్, కంఫర్టబుల్ రైడ్, మంచి స్టోరేజ్ స్పేస్, ఇంధన సామర్థ్యంతో ఫ్యామిలీ యూజర్లకు బాగా సరిపోతుంది. 2026లో కొన్ని అప్‌డేట్లతో (LED హెడ్‌లైట్, ఇంప్రూవ్డ్ స్టోరేజ్, లైట్‌వెయిట్ ఫ్రేమ్) అందుబాటులో ఉంది. బర్గ్మాన్ స్ట్రీట్ EX ఇప్పటికే భారత మార్కెట్లో అందుబాటులో ఉంది. కంపెనీ దీనిలో ఎలాంటి మార్పులు చేయలేదు. ఇది అదే ధరకు అందుబాటులో కొనసాగుతుంది. కొత్త బర్గ్మాన్‌లో డ్యూయల్-పాడ్ LED హెడ్‌లైట్లు ఉన్నాయి.

Also Read:Gold and Silver Prices Drop: బంగారం, వెండి ధరల పతనం వెనుక డొనాల్డ్‌ ట్రంప్‌..!

ధర ఎంత?

కొత్త సుజుకి బర్గ్‌మ్యాన్ రూ.1.02 లక్షల (ఎక్స్-షోరూమ్) ప్రారంభ ధరతో విడుదలైంది. హై-ఎండ్ వేరియంట్లు రూ.1.13 లక్షల (ఎక్స్-షోరూమ్) ధరకు అందుబాటులో ఉంటాయి. ఈ స్కూటర్ పెర్ల్ గ్రేస్ వైట్, మ్యాట్ స్టెల్లార్ బ్లూ, రాయల్ బ్రాంజ్, మ్యాట్ బ్లాక్, పెర్ల్ మ్యాట్ షాడో గ్రీన్ వంటి పలు రంగులలో లభిస్తుంది. మరోవైపు, ఉన్నత శ్రేణి వేరియంట్‌లు మ్యాట్ లూక్ కాపర్‌తో సహా డ్యూయల్-టోన్ పెయింట్ ఆప్షన్‌లను పొందుతాయి. అంతర్జాతీయ మార్కెట్‌లో అందుబాటులో ఉన్న దాని సోదర మోడల్ (పెద్ద ఇంజిన్ వేరియంట్) నుండి కంపెనీ ఈ అప్ డేటెడ్ బర్గ్‌మాన్ స్కూటర్ డిజైన్‌ను స్వీకరించింది.

కొత్త స్కూటర్ అనేక ఫీచర్లను అందిస్తుంది. డిజైన్‌తో పాటు, దాని ఫీచర్లు కూడా అప్‌డేట్ చేయబడ్డాయి. ఇప్పుడు ఇందులో సుజుకి ఈజీ స్టార్ట్ సిస్టమ్ ఉంది. దీనిలో ముందు వైపు రెండు స్టోరేజ్ కంపార్ట్‌మెంట్లు కూడా ఉన్నాయి, సీటు కింద 24.6 లీటర్ల స్టోరేజ్ సామర్థ్యం ఉంది. ఈ స్కూటర్‌లో 4.2-అంగుళాల TFT ఇన్‌స్ట్రుమెంట్ క్లస్టర్ కూడా ఉంది. ఈ స్కూటర్‌లో నావిగేషన్, కీలెస్‌ స్టార్ట్ సిస్టమ్ కూడా ఉన్నాయి. ఇందులో సైలెంట్ స్టార్ట్, ఆల్-LED లైట్లు కూడా ఉన్నాయి.

Also Read:Ambati Rambabu: పిన్నెల్లిని పరామర్శించిన అంబటి.. పోలీసులు, సర్కార్‌పై తీవ్ర వ్యాఖ్యలు..

కొత్త బర్గ్‌మన్‌లో టెలిస్కోపిక్ ఫ్రంట్ సస్పెన్షన్, స్వింగ్-ఆర్మ్ రియర్ సస్పెన్షన్ ఉన్నాయి. బ్రేకింగ్ కోసం డిస్క్, డ్రమ్ బ్రేకులు ఉన్నాయి. ఈ స్కూటర్‌లో 12-అంగుళాల అల్లాయ్ వీల్స్, 5.5-లీటర్ల ఫ్యూయల్ ట్యాంక్ ఉన్నాయి. కొత్త బర్గ్మాన్ స్ట్రీట్, సుజుకి ఎకో పెర్ఫార్మెన్స్ ఇంజన్ ప్లాట్‌ఫామ్‌తో పనిచేస్తుంది. ఈ బైక్‌లో 124cc, 4-స్ట్రోక్, సింగిల్-సిలిండర్ ఇంజన్ ఉంది, ఇది 8 hp, 10.2 Nm టార్క్‌ను ఉత్పత్తి చేస్తుంది.