సూపర్ స్టార్ మహేష్ బాబు హీరోగా మాటల మాంత్రికుడు త్రివిక్రమ్ తెరకెక్కించిన ‘గుంటూరు కారం’ మూవీ ఈ ఏడాది సంక్రాంతి కానుకగా ప్రేక్షకుల ముందుకు వచ్చిన విషయం తెలిసిందే.అతడు, ఖలేజా వంటి సినిమాల తర్వాత త్రివిక్రమ్ – మహేష్ కాంబినేషన్ లో తెరకెక్కిన సినిమా కావడంతో ఆడియన్స్ తో పాటూ ఇండస్ట్రీ వర్గాల్లోనూ ఈ సినిమాపై ఆసక్తి నెలకొంది. రిలీజ్ తర్వాత సినిమాకి ప్రేక్షకుల నుండి మంచి రెస్పాన్స్ వచ్చింది. ఈ సినిమాలో మహేష్ మాస్ లుక్, క్యారెక్టరైజేషన్, డైలాగ్స్ మరియు డాన్స్ అన్ని ఫ్యాన్స్ చేత విజిల్స్ వేయించాయి. ఇదిలా ఉంటే ఇటీవలే ఓటీటీలో స్ట్రీమింగ్ కి అందుబాటులోకి వచ్చిన ఈ సినిమా ఇప్పుడు టీవీల్లోకి వచ్చేస్తోంది.’గుంటూరు కారం’ మూవీ థియేటర్ రన్ ముగిసిన 28 రోజులకు నెట్ ఫ్లిక్స్ ఓటీటీలో రిలీజ్ అయింది.
తెలుగు తో పాటు హిందీ, తమిళ, మలయాళ మరియు కన్నడ భాషల్లో స్ట్రీమింగ్ కి అందుబాటులోకి వచ్చిన ఈ సినిమా ఓటీటీ ప్లాట్ ఫామ్ లోనూ భారీ వ్యూస్ తో అదరగొట్టింది. ముఖ్యంగా ‘గుంటూరు కారం’ హిందీ వెర్షన్ కి విపరీతమైన ఆదరణ లభించింది. ‘సలార్’ హిందీ వర్షన్ కంటే ‘గుంటూరు కారం’ హిందీ వర్షన్ కే ఎక్కు వ వ్యూస్ రావడం విశేషం. ప్రస్తుతం నెట్ ఫ్లిక్స్ ఓటీటీలో స్ట్రీమింగ్ అవుతున్న ‘గుంటూరు కారం’ అతి త్వరలోనే బుల్లితెరపై సందడి చేయబోతోంది.తాజా సమాచారం ప్రకారం.. ఏప్రిల్ 9న ఉగాది పండుగ సందర్భంగా ‘గుంటూరు కారం’ మూవీని టీవీలో టెలికాస్ట్ చేయాలని మేకర్స్ నిర్ణయించుకున్నట్లు తెలుస్తోంది. ఈ సినిమా శాటిలైట్ రైట్స్ ని జెమినీ టీవీ భారీ ధరకు దగ్గించుకుంది. ఈ క్రమంలోనే పండుగ సమయంలో సినిమాని టెలికాస్ట్ చేస్తే మంచి టీఆర్పి రేటింగ్ వస్తుందని నిర్వాహకులు భావిస్తున్నారట. అన్ని అనుకున్నట్లు జరిగితే ఈ ఉగాది పండక్కి జెమినీ టీవీలో ‘గుంటూరు కారం’ సినిమాని టీవీలోచూడవచ్చు.. త్వరలోనే దీనికి సంబంధించి మేకర్స్ అధికారిక ప్రకటన ఇవ్వనున్నారు..
