ఆక్సియం-4 మిషన్ ప్రయోగం వాయిదా పడింది. అంతర్జాతీయ అంతరిక్ష కేంద్రానికి ఆక్సియం-4 మిషన్ ప్రయోగం ప్రతికూల వాతావరణం కారణంగా ఒక రోజు వాయిదా పడింది. భారత అంతరిక్ష పరిశోధనా సంస్థ (ఇస్రో) తన అధికారిక X హ్యాండిల్ ద్వారా ఈ సమాచారాన్ని అందించింది. ‘వాతావరణ పరిస్థితుల కారణంగా, అంతర్జాతీయ అంతరిక్ష కేంద్రానికి భారతీయ గగన్ యాత్రిని పంపే ఆక్సియం-4 మిషన్ ప్రయోగం జూన్ 10కి బదులుగా జూన్ 11కి వాయిదా పడింది. తదుపరి ప్రయోగ సమయం జూన్ 11న సాయంత్రం 5:30 గంటలకు ప్రారంభించబడుతుందని తెలిపింది.
Also Read:Mahesh Kumar Goud: ఖమ్మం జిల్లా కారణంగానే.. రేవంత్ రెడ్డి సీఎం, భట్టి డిప్యూటీ సీఎం అయ్యారు!
భారత వ్యోమగామి శుభాన్షు శుక్లా మరో ముగ్గురు సిబ్బందితో కలిసి ఆక్సియం-4 అనే అంతరిక్ష యాత్రలో భాగం కానున్నారు. ఆక్సియం-4 మిషన్ నలుగురు సభ్యుల సిబ్బందితో 60 ప్రయోగాలు నిర్వహించాలని లక్ష్యంగా పెట్టుకుంది. వీటిలో ఏడు ప్రయోగాలను ఇస్రో ప్లాన్ చేసింది, మరో ఐదు ప్రయోగాలలో శుభాన్షు శుక్లా నాసా మానవ పరిశోధన కార్యక్రమంలో భాగంగా పాల్గొనే ప్రయోగాలు ఉన్నాయి. అదనంగా, శుక్లా అదే కార్యక్రమం కోసం నాసా నిర్వహించే ఐదు సహకార అధ్యయనాలలో కూడా పాల్గొంటారు. ఈ మిషన్ 14 రోజులు ఉంటుంది. ఆక్సియం-4 సిబ్బందిలో భారతదేశం, పోలాండ్, హంగేరీ నుంచి వ్యోమగాములు ఉన్నారు. ఈ సిబ్బందిలో పెగ్గీ విట్సన్, శుభాన్షు శుక్లా, స్లావోజ్ ఉజ్నాన్స్కీ-విస్నివ్స్కీ, టిబోర్ కాపు ఉన్నారు.
Launch of Axiom-4 mission to International Space Station:
Due to weather conditions, the launch of Axiom-4 mission for sending Indian Gaganyatri to International Space Station is postponed from 10th June 2025 to 11th June 2025.
The targeted time of launch is 5:30 PM IST on 11th…
— ISRO (@isro) June 9, 2025