Srikalahasti Temple: శ్రీకాళహస్తి ఆలయంలో భారీ అగ్నిప్రమాదం.. అసలు ఏం జరిగిందంటే..?

Srikalahasti Temple Fire: ప్రసిద్ధ పుణ్యక్షేత్రమైన శ్రీకాళహస్తి ఆలయంలో భారీ అగ్నిప్రమాదం చోటుచేసుకుంది.. ఆలయంలోని అన్నప్రసాద ప్రధాన వంటశాలలో ఒక్కసారిగా సిలిండర్ పేలడంతో మంటలు చెలరేగాయి. ఒక సిలిండర్ పేలిన వెంటనే పక్కనే ఉన్న ఇతర సిలిండర్లకు సైతం మంటలు వ్యాపించాయి.. దీంతో వంటశాలలో భారీగా మంటలు ఎగిసి పడ్డాయి.. పేలుడు శబ్దంతో భక్తులు ఒక్కసారిగా భయాందోళనకు గురై పరుగులు తీశారు.. మరోవైపు పోటులో ప్రసాదాలు తయారు చేస్తున్న కార్మికులు బయటకు పరుగులు తీశారు.. మంటలను అదుపు చేసేందుకు ఆలయ సిబ్బంది ప్రయత్నిస్తున్నారు.. ఎవరికి ఎటువంటి ప్రమాదం జరగకపోవడంతో అధికారులు ఊపిరి పీల్చుకున్నారు.

ఈ ఘటనపై తాజాగా ఆలయ అధికారులు వివరణ ఇచ్చారు. వంటలు పూర్తయ్యాక.. మంటలు ఆర్పే ముందు షార్ట్ సర్క్యూట్ వల్ల ప్రమాదం చోటు చేసుకుందని అధికారులు స్పష్టం చేశారు. “వెంటనే అగ్నిమాపక యంత్రం ఇచ్చింది. మా దగ్గర ఉన్న సామాగ్రితో మంటలను అదుపు చేశాం. ఎవరికీ ఎలాంటి ప్రాణ నష్టం లేదు. ఆస్తి నష్టం కూడా ఓన్లీ ఆ వంటశాల వద్ద మాత్రమే జరిగింది. సాయంత్రం వంటలు రెడీ చేస్తున్నాం. భక్తులకు ఎలాంటి అసౌకర్యం లేకుండా చూస్తున్నాం.” అని స్పష్టం చేశారు.