Asia Cup 2023: ఆసియా కప్‌ 2023 ముందు ఊహించని షాక్.. కరోనా వైరస్ బారిన పడిన ఇద్దరు స్టార్ ప్లేయర్స్?

Two Sri Lankan Cricketers tested positive for Coronavirus ahead of Asia Cup 2023 ఆసియా కప్ 2023కి కౌంట్ డౌన్ మొదలయింది. పాకిస్తాన్, శ్రీలంక వేదికలుగా ఆగస్టు 30 నుంచి సెప్టెంబర్ 17 వరకు టోర్నీ జరగనుంది. ఈ ఏడాది వన్డే ప్రపంచకప్‌ 2023 ఉన్న నేపథ్యంలో 50 ఓవర్ల ఫార్మాట్‌లో ఆసియా కప్ జరగనుంది. ఈ టోర్నీలో భారత్, పాకిస్థాన్, శ్రీలంక, బంగ్లాదేశ్, ఆఫ్ఘానిస్తాన్‌, నేపాల్ జట్లు టైటిల్ కోసం తలపడనున్నాయి. హైబ్రీడ్ మోడల్‌లో జరగనున్న ఆసియా కప్‌లో మొత్తం 13 మ్యాచ్‌లు ఉండగా.. శ్రీలంకలో 9, పాక్‌లో 4 జరగనున్నాయి.

అయితే ఆసియా కప్ 2023 ఆరంభానికి ఐదు రోజులు ముందు ఊహించని షాక్. ఇద్దరు శ్రీలంక స్టార్ క్రికెటర్లు కరోనా వైరస్ మహమ్మారి బారిన పడ్డారని సమాచారం. శ్రీలంక ఓపెనింగ్ బ్యాట్స్‌మెన్ అవిష్క ఫెర్నాండో, వికెట్ కీపర్ కుశాల్ పెరీరా కరోనా బారిన పడ్డారట. ఇద్దరు ఆటగాళ్లకు వైరస్ లక్షణాలు ఉన్నాయని తెలుస్తోంది. ఆగస్ట్ 20న ముగిసిన శ్రీలంక ప్రీమియర్ లీగ్ చివరి దశ సమయంలో ఫెర్నాండో, పెరెరా వైరస్ బారిన పడి ఉండవచ్చని సమాచారం.

అవిష్క ఫెర్నాండో, కుశాల్ పెరీరాలకు కరోనా వైరస్ పాజిటివ్‌ వచ్చినట్టు శ్రీలంక క్రికెట్ బోర్డు మాత్రం అధికారికంగా వెల్లడించలేదు. ఆసియా కప్ 2023 కోసం శ్రీలంక జట్టును త్వరలో ప్రకటించనుంది. అవిష్క ఫెర్నాండో, కుసల్ పెరెరా జట్టుకు ఎంపికయ్యారట. అయితే వారి లభ్యత కరోనా నుంచి కోలుకోవడంపై ఆధారపడి ఉంటుంది. ఏదేమైనా ఇద్దరు అగ్రశ్రేణి శ్రీలంక క్రికెటర్లు పాజిటివ్‌గా తేలడం టోర్నీకి శుభసంకేతం కాదనే చెప్పాలి.

Also Read: World Cup 2023 Tickets: అభిమానుల దండయాత్ర.. దెబ్బకు ‘బుక్‌ మై షో’ యాప్‌ క్రాష్‌! భారత్ మ్యాచ్‌ల పరిస్థితి ఏంటో

ఏడాది ప్రారంభం నుంచి వన్డేలు ఆడని అవిష్క ఫెర్నాండో ఇటీవల ముగిసిన లంక ప్రీమర్ లీగ్‌లో నిలకడ ప్రదర్శన చేశాడు. 10 మ్యాచ్‌లలో 244 పరుగులు చేశాడు. మరోవైపు ఓపెనింగ్ బ్యాటర్ కుశాల్ పెరీరా గాయాలు మరియు ఫామ్ కారణంగా జనవరి 2021 నుంచి ఆడలేదు. చాలా కాలం తర్వాత అతను ఎల్‌పీఎల్ 2023 సీజన్‌లో ఆడాడు. 8 మ్యాచ్‌ల్లో 210 పరుగులు చేశాడు. దాంతో ఈ ఇద్దరు ఆసియా కప్ 2023లో కీలకంగా మారే అవకాశం ఉంది.