టాలీవుడ్ హీరో శ్రీవిష్ణు గురించి ప్రత్యేక పరిచయాలు అవసరం లేదు.. వరుస సినిమాలతో ప్రేక్షకులను పలకరిస్తూనే ఉన్నారు.. ఇప్పుడు మరో సినిమాతో ప్రేక్షకుల ముందుకు రాబోతున్నాడు.. గతంలో సామజవరగమన సినిమాతో ఫుల్ గా నవ్వించి కెరీర్ లోనే బిగ్గెస్ట్ హిట్ కొట్టాడు. త్వరలో ఓం భీమ్ బుష్ అనే మరో కామెడీ ఎంటర్టైన్మెంట్ సినిమాతో రాబోతున్నాడు.. కాగా ఈరోజు పుట్టినరోజు సందర్బంగా కొత్త సినిమా నుంచి అప్డేట్ ను ఇచ్చారు మేకర్స్..
శ్రీవిష్ణుతో గతంలో రాజ రాజ చోర సినిమా తీసి హిట్ కొట్టిన దర్శకుడు హసిత్ గోలి ఇప్పుడు ‘స్వాగ్’ అనే కొత్త సినిమాతో రాబోతున్నాడు. తాజాగా ఈ సినిమా టైటిల్ గ్లింప్స్ ని రిలీజ్ చేశారు. అడవిలో జంతువులు అన్ని మాట్లాడుకున్నట్టు, కథలు చెప్పినట్టు వాటికి సునీల్, గంగవ్వ.. వాయిస్ లు పెట్టి నవ్విస్తూ ‘స్వాగ్’ టైటిల్ ని ప్రకటించారు.. టైటిల్ కు తగ్గట్లే సినిమా కూడా కొత్తగా ఉంటుందని తెలుస్తుంది..
ఈ సినిమాని అచ్చ తెలుగు సినిమా అంటూ ప్రమోట్ చేస్తున్నారు. మరి సినిమాలో తెలుగు పదాలు, తెలుగుతనం గురించి ఎక్కువగా చూపిస్తారేమో చూడాలి.. మరో కామెడీ సినిమాతో శ్రీవిష్ణు ప్రేక్షకులను కడుపుబ్బా నవ్వించబోతున్నాడు.. ఈ సినిమాని పీపుల్ మీడియా ఫ్యాక్టరీ నిర్మిస్తుంది. ఈ సినిమాకి వివేక్ సాగర్ సంగీతం అందించనున్నారు.. ప్రస్తుతం ఈ సినిమా గ్లింప్స్ వీడియో మాత్రం నెట్టింట ట్రెండ్ అవుతుంది.. ఆ వీడియోను మీరు చూసేయ్యండి..
