Chiranjeevi : చంద్రబాబు ప్రమాణ స్వీకారనికి మెగాస్టార్ కు ప్రత్యేక ఆహ్వానం..

Chiranjeevi : ఆంధ్రప్రదేశ్ లో ఇటీవల జరిగిన సార్వత్రిక ఎన్నికలలో ఎన్డియే కూటమి అద్భుత విజయం సాధించింది.రాష్ట్రంలో మొత్తం 175 సీట్లకు గాను కూటమి ఏకంగా 164 సీట్లు సాధించి తిరుగు లేని విజయం సాధించింది.కూటమిలో భాగమైన జనసేన 21 అసెంబ్లీ నియోజకవర్గాలలో పోటీ చేసింది అలాగే 2 పార్లమెంట్ నియోజకవర్గాలలో పోటీ చేసింది.అయితే పోటీ చేసిన అన్ని నియోజకవర్గాలలో కూడా జనసేన తిరుగులేని విజయం సాధించి 100 శాతం స్ట్రైక్ రేట్ సంపాదించింది.అలాగే కూటమిలో భాగం అయినా టీడీపీ 134 సీట్లు సాధించి తిరుగులేని విజయం సాధించింది.

Read Also :Euphoria : గుణశేఖర్ ‘యుఫోరియా’కు మ్యూజిక్ అందించనున్న ఆ యంగ్ మ్యూజిక్ డైరెక్టర్..?

ఇదిలా ఉంటే ఆంధ్రప్రదేశ్ ముఖ్యమంత్రిగా టీడీపీ అధినేత నారా చంద్రబాబు నాయుడు జూన్ 12 (బుధ వారం) ప్రమాణ స్వీయకరం చేయనున్నారు.ఆయన ముఖ్యమంత్రిగా నాలుగోసారి పదవి భాద్యతలు చేపట్టనున్నారు.బుధవారం ఉదయం 11.27గంటలకు ముఖ్యమంత్రిగా చంద్రబాబు ప్రమాణ స్వీకారం చేయనున్నారు.దీనితో ఈ ప్రమాణ స్వీకారానికి మెగాస్టార్ చిరంజీవి హాజరు కానున్నారు.స్టేట్ గెస్ట్ గా నూతన ప్రభుత్వ ప్రమాణ స్వీకారోత్సవానికి మెగాస్టార్ చిరంజీవి రానున్నారు. తెలుగుదేశం అధినేత చంద్రబాబు నుంచి మెగా స్టార్ కు ప్రత్యేక ఆహ్వానం అందింది. ఈ రోజు సాయంత్రం 5 గంటలకు స్పెషల్ ఫ్లైట్లో చిరంజీవి విజయవాడకు చేరుకోనున్నారు.