Smriti Mandhana and Palash Muchhal Reunite: మళ్లీ కలిసిన స్మృతి మంధాన, పలాష్ ముచ్చల్ వీడియో వైరల్‌.. పెళ్లి చేసుకోబోతున్నారా..?

Smriti Mandhana and Palash Muchhal Reunite: భారత మహిళా క్రికెటర్ స్మృతి మంధాన, మ్యూజిక్‌ డైరెక్టర్‌ పలాష్ ముచ్చల్ మరోసారి వార్తల్లో నిలిచారు. వీరిద్దరూ మళ్లీ కలుస్తున్నారనే ఊహాగానాలు సోషల్ మీడియాలో జోరుగా వినిపిస్తున్నాయి. తాజాగా వైరల్ అవుతున్న ఒక వీడియో ఈ చర్చలకు మరింత ఊతమిచ్చింది. ఆ వీడియోలో పలాష్ ముచ్చల్ సోదరి పలక్ ముచ్చల్, ఆమె భర్త మిథున్‌తో కలిసి స్మృతి మంధాన తండ్రితో కనిపించడం గమనార్హం. ముంబైలోని ఒక రెస్టారెంట్ బయట ఈ ఘటన చోటుచేసుకున్నట్లు తెలుస్తోంది. వీడియోలో పలక్‌.. స్మృతి తండ్రికి నమస్కారం చేయగా, ఆయన ఆమెను ఆశీర్వదించడం కనిపిస్తుంది. దీంతో ఇరు కుటుంబాల మధ్య సంబంధాలు సవ్యంగానే ఉన్నాయన్న భావన వ్యక్తమవుతోంది.

Read Also: TG High Court: జస్టిస్ పీ.సీ.చంద్రఘోష్ కమిషన్ నివేదిక పై.. తీర్పును ఈ నెల 22 కీ వాయిదా వేసిన హైకోర్టు

గతంలో 2025 నవంబర్‌లో స్మృతి మంధాన, పలాష్ ముచ్చల్ వివాహ నిశ్చితార్థం జరిగింది. పెళ్లి ఏర్పాట్లు కూడా పూర్తయ్యాయి. అయితే, పెళ్లికి ముందు రోజు రాత్రే ఈ సంబంధం విరిగిపోయింది. పలాష్ ముచ్చల్ మరో మహిళతో సంబంధం పెట్టుకున్నాడనే ఆరోపణలు వెలుగులోకి రావడంతో ఈ వివాహం ఆగిపోయినట్లు వార్తలు వచ్చాయి. అయితే ఈ ఆరోపణలను పలాష్ ఎప్పటికప్పుడు ఖండిస్తూ వచ్చాడు. ప్రస్తుతం వైరల్ అవుతున్న వీడియోతో ఇద్దరూ మళ్లీ కలవబోతున్నారన్న ఊహాగానాలు జోరందుకున్నాయి. కొందరు అభిమానులు ఈ జంట మళ్లీ ఒక్కటవుతుందని ఆశాభావం వ్యక్తం చేస్తుంటే, మరికొందరు మాత్రం జాగ్రత్తగా నిర్ణయం తీసుకోవాలని సూచిస్తున్నారు. అయితే, ఈ వీడియో పాతదా లేక తాజాదా అన్నది అధికారికంగా ధృవీకరించబడలేదు. అయినప్పటికీ సోషల్ మీడియాలో ఇది సంచలనం సృష్టిస్తోంది. స్మృతి మంధాన ఇప్పటివరకు ఈ విషయంపై స్పందించకపోవడం కూడా ఈ వార్తలకు మరింత ఆసక్తిని పెంచుతోంది.

 

View this post on Instagram

 

A post shared by Bollywood pap king (@bollywoodpapking)

*