Shirley Setia Dubbing in Telugu for Krishna Vrinda Vihari
బహుబలి సినిమా తరువాత తెలుగు చిత్ర పరిశ్రమ రేంజ్‌ పెరిగిందనడంలో ఎలాంటి అతిశయోక్తి లేదు. అయితే.. తెలుగు భాష అంటే ఏమిటో తెలియని వారికి సైతం బహుబలి సినిమా తెలుగు పరిచయం చేసింది. అయితే.. తెలుగు చిత్రసీమలో నటిస్తున్న ఎంతో మంది తారలకు తెలుగు రాదనే విషయం తెలిసిందే. కొందరు భామలు తెలుగు నేర్చుకొని సొంతగా డబ్బింగ్‌ చెప్పుకుంటుంటే.. కొంతమంతి ముద్దుగుమ్మలు మాత్ర వేరేవారిపైనే ఆధారపడుతున్నారు. అయితే.. తాజాగా టాలెంటెడ్‌ హీరో నాగశౌర్య నటిస్తున్న సినిమా కృష్ణ వ్రింద విహారి.
ఐరా క్రియేషన్స్ బ్యానర్ పై నిర్మితమైన ఈ సినిమాకి మహతి స్వరసాగర్ సంగీతాన్ని సమకూర్చాడు. ఈ సినిమాలో న్యూజిలాండ్ భామ షెర్టీ సెటియా హీరోయిన్‌గా నటిస్తుంది. ఈ సినిమాను ఈ నెల 23న విడుదల చేసేందుకు మేకర్స్‌ సిద్ధమవుతున్నారు. అయితే.. ఈ సినిమాలో తన పాత్రకు షెర్లీ సెటియా స్వయంగా డబ్బింగ్‌ చెప్పింది. న్యూజిలాండ్ కి చెందిన షెర్లీకి హిందీ కూడా రాదు.. కానీ తెలుగు నేర్చుకొని డబ్బింగ్‌ చెప్పింది. ఈ విషయాన్ని స్వయంగా చిత్ర దర్శకుడు అనీష్‌ కృష్ణ వెల్లడించారు.