ప్రభుత్వం, ప్రజలు, అధికారులు, న్యాయమూర్తులు, ఇప్పుడు సైన్యం. బంగ్లాదేశ్లో ఎవరూ సురక్షితంగా లేరు. కొన్ని రోజులుగా జరుగుతున్న హింస ఇప్పుడు అదుపు తప్పింది. మరోవైపు ఆర్మీ జవాన్లపై కూడా దాడి జరిగినట్లు వార్తలు వస్తున్నాయి. గోపాల్గంజ్ ప్రాంతంలో ఆర్మీ వాహనంపై ఈ దాడి జరిగింది. ఢాకా ట్రిబ్యూన్ నివేదిక ప్రకారం.. ఈ ఘటనలో ఆర్మీ సిబ్బంది, జర్నలిస్టులు, స్థానికులు సహా 15 మంది గాయపడ్డారు. షేక్ హసీనాను తిరిగి తీసుకురావాలని డిమాండ్ చేస్తూ వేలాది మంది అవామీ లీగ్ కార్యకర్తలు వీధుల్లో ఉండగా శనివారం సాయంత్రం 4 గంటలకు ఈ సంఘటన జరిగింది.
READ MORE: Sridhar Babu: అమెజాన్ వెబ్ సర్వీసెస్ విస్తరణ.. కంపెనీ ప్రతినిధులతో శ్రీధర్ బాబు సమావేశం
వేలాది మంది అవామీ లీగ్ నాయకులు, కార్యకర్తలు, స్థానిక ప్రజలు మాజీ ప్రధాని షేక్ హసీనాను దేశానికి తిరిగి రావాలని డిమాండ్ చేస్తున్నారు. ఢాకా-ఖుల్నా హైవేను వారు దిగ్బంధించారు. ఇంతలో ఆర్మీ వాహనం అక్కడికి చేరుకుని రోడ్డు తెరిచి నిరసన విరమించాలని ఆందోళనకారులకు విజ్ఞప్తి చేసింది. అయితే జనం వారిపై ఇటుకలు విసరడం ప్రారంభించారు. అనంతరం జనాలను చెదరగొట్టేందుకు ఆర్మీ సిబ్బంది లాఠీచార్జి చేశారు.
READ MORE: US Green Card : అమెరికా గ్రీన్ కార్డుల్లో ఆ దేశం ఫస్ట్ ప్లేస్.. మన దేశం ఎక్కడుందంటే ?
ప్రతిస్పందనగా.. నిరసనకారులు ఒక సైనిక వాహనాన్ని ధ్వంసం చేశారు. గోపాల్గంజ్ క్యాంప్కు చెందిన లెఫ్టినెంట్ కల్నల్ మక్సుదుర్ రెహ్మాన్ ఈ సంఘటనను ధృవీకరించారు. సుమారు 3,000 నుంచి 4,000 మంది ప్రజలు గుమిగూడి రోడ్డును బ్లాక్ చేసినట్లు చెప్పారు. పరిస్థితిని అదుపు చేసేందుకు ఆర్మీ సభ్యులు కాల్పులు జరిపారని గోపీనాథ్పూర్ సంఘ్ మాజీ అధ్యక్షుడు లచ్చు షరీఫ్ తెలిపారు. ఓ చిన్నారి సహా ఇద్దరు వ్యక్తులు కాల్పులకు తెగబడ్డారు. ఈ ఘటనలో ఎవరూ చనిపోలేదు.
READ MORE: Jammu Kashmir: కిష్త్వార్ జిల్లాలో భీకర ఎన్కౌంటర్.. భారీగా భద్రతా బలగాల మోహరింపు
హిందువులపై దాడులు:
బంగ్లాదేశ్లోనూ హిందువులపై దాడులు జరుగుతున్నాయి. చాలా ఆలయాలకు నిప్పు పెట్టారు. ఇదిలా ఉండగా.. హింసాకాండలో ప్రభావితమైన మైనారిటీ వర్గాలపై జరుగుతున్న దాడులను తాత్కాలిక ప్రభుత్వ అధిపతి మహ్మద్ యూనస్ శనివారం ఖండించారు. మైనారిటీలపై జరుగుతున్న దాడులు హేయమైనవని, హిందూ, క్రైస్తవ, బౌద్ధ కుటుంబాలకు యువత భద్రత కల్పించాలని కోరారు. బంగ్లాదేశ్ హిందూ బౌద్ధ క్రిస్టియన్ యూనిటీ కౌన్సిల్, బంగ్లాదేశ్ పూజ ఉద్యాపన్ పరిషత్ ప్రకారం.. రెండు హిందూ సంస్థలు, బంగ్లాదేశ్లోని మైనారిటీ వర్గాల సభ్యులు ఆగస్టు 5న షేక్ హసీనా నేతృత్వంలోని ప్రభుత్వం పతనం అయినప్పటి నుంచి కనీసం 53 జిల్లాల్లో దాడులను ఎదుర్కొన్నారు. కనీసం 205 దాడులు జరిగాయి.
