Shashtipoorthi : నట కిరీటి రాజేంద్ర ప్రసాద్ గురించి ప్రత్యేకంగా చెప్పాల్సిన అవసరం లేదు. ఇప్పటి వరకు ఆయన వందకు పైగా సినిమాల్లో విభిన్న పాత్రలను పోషించారు. 1986లో వచ్చిన క్లాసిక్ హిట్ ‘లేడీస్ టైలర్’లో అర్చనతో కలిసి ఆయన నటించారు. ఆ జంట కలయికలో వచ్చిన సినిమా బ్లాక్ బస్టర్ హిట్ అయింది. ఇప్పుడు 38 ఏళ్ల తర్వాత ఈ జంట ‘షష్టిపూర్తి’ అనే ఫ్యామిలీ డ్రామాతో మళ్లీ ప్రేక్షకుల ముందుకు రాబోతున్నారు. ఈ చిత్రానికి సంబంధించిన గ్లింప్స్ సినిమా పై అంచనాలను పెంచేసింది. రాజేంద్ర ప్రసాద్, అర్చన భార్యాభర్తలుగా కనిపించబోతున్నారు. కుటుంబ విలువలు, భావోద్వేగాలపై నడిచే ఈ కథ, ఓ వృద్ధ దంపతుల జీవితాన్ని సున్నితంగా చూపించబోతున్నట్లు తెలుస్తోంది. హీరోగా రూపేశ్ చౌధరి లాయర్ గా కనిపించబోతున్నారు. ఈ సినిమా ప్రేక్షకులను హృదయానికి హత్తుకునేలా ఉండబోతుందని గ్లింప్స్ ద్వారా స్పష్టమవుతోంది.
Read Also:Delhi: భార్య వేధింపులకు మరొకరు బలి.. తుపాకీతో కాల్చుకుని న్యాయవాది ఆత్మహత్య
ఈ చిత్రానికి మ్యూజిక్ మాస్ట్రో ఇళయరాజా సంగీతాన్ని అందించారు. ఈ భావోద్వేగ భరితమైన కథకు ఆయన మ్యూజిక్ మరింత బలం చేకూరుస్తుందని చెప్పవచ్చు. ఈ సినిమాలో ప్రముఖ సంగీత దర్శకుడు ఎమ్ఎం కీరవాణి ఓ పాట రాయగా, చైతన్య ప్రసాద్ మరికొన్ని పాటలను అందించారు. ఎస్పీ చరణ్ గానం చేసిన మెలోడీ పాట ప్రత్యేకంగా నిలుస్తుందని చిత్రబృందం వెల్లడించింది. దేవదాస్ ఫేమ్ అకాంక్ష సింగ్ కథానాయికగా నటించిన ఈ చిత్రంలో చక్రపాణి ఆనంద, అచ్యుత్ కుమార్, ప్రభాస్ శ్రీను, చలాకీ చంటి, మురళీధర్ గౌడ్, జబర్దస్త్ రామ్ తదితరులు నటించారు. పవన్ ప్రభ దర్శకత్వం వహించారు. మా ఆయే ప్రొడక్షన్స్ బ్యానర్పై నిర్మితమవుతోంది.
Read Also:Uttar Pradesh: 8వ తరగతి ఫెయిల్ వ్యక్తి.. హిందువుగా, ఆర్మీ అధికారిగా నమ్మిస్తూ మహిళల మోసం..
