Biker OTT: ఓటీటీలోకి శర్వానంద్ ‘బైకర్’..!

టాలీవుడ్ చార్మింగ్ స్టార్ శర్వానంద్ హీరోగా, మాళవిక నాయర్ హీరోయిన్‌గా దర్శకుడు అభిలాష్ రెడ్డి రూపొందించిన లేటెస్ట్ యాక్షన్ డ్రామా ‘బైకర్’. ఇటీవల థియేటర్లలో విడుదలైన ఈ సినిమా, ఆడియెన్స్ నుంచి అద్భుతమైన రెస్పాన్స్ అందుకుంది. ముఖ్యంగా సీనియర్ హీరో రాజశేఖర్ ఒక పవర్‌ఫుల్ రోల్‌లో మెరవడం ఈ సినిమాకు ప్రధాన ఆకర్షణగా నిలిచింది. బాక్సాఫీస్ వద్ద రూ. 40 కోట్ల క్లబ్‌లో చేరిన ఈ చిత్రాన్ని ప్రముఖ నిర్మాణ సంస్థ యూవీ క్రియేషన్స్ ఎంతో ప్రతిష్టాత్మకంగా నిర్మించింది. జిబ్రాన్ అందించిన బ్యాక్‌గ్రౌండ్ స్కోర్, సాంగ్స్ సినిమాకు పెద్ద ప్లస్ అయ్యాయి. రేసింగ్ బ్యాక్‌డ్రాప్‌లో ఎమోషనల్ పాయింట్‌తో సాగే ఈ కథ యూత్‌తో పాటు ఫ్యామిలీ ఆడియెన్స్‌ను కూడా బాగా ఆకట్టుకుంది. ఇక ఇప్పుడు డిజిటల్ ప్లాట్‌ఫామ్‌పై సందడి చేయడానికి ముహూర్తం ఖరారు చేసుకున్నట్లు తెలుస్తోంది.

Also Read : Slum Dog: పూరిపై విజయ్ సేతుపతి ఎమోషనల్ పోస్ట్!

తాజా సమాచారం ప్రకారం, ‘బైకర్’ చిత్ర డిజిటల్ హక్కులను ప్రముఖ ఓటీటీ సంస్థ నెట్‌ఫ్లిక్స్ (Netflix) భారీ ధరకు దక్కించుకుంది. థియేటర్లలో సక్సెస్‌ఫుల్ రన్ పూర్తి చేసుకున్న ఈ సినిమాను మే 1, 2026 నుంచి స్ట్రీమింగ్ చేయాలని నెట్‌ఫ్లిక్స్ ప్లాన్ చేస్తోంది. వేసవి సెలవుల కానుకగా ఈ చిత్రాన్ని డిజిటల్ ప్రేక్షకులకు అందుబాటులోకి తీసుకురావాలని మేకర్స్ భావిస్తున్నారు. త్వరలోనే దీనిపై నెట్‌ఫ్లిక్స్ నుంచి అధికారిక ప్రకటన వచ్చే అవకాశం ఉంది. థియేటర్లలో మిస్ అయిన వారు మే మొదటి వారం నుంచి ఈ సినిమాను ఇంటి వద్దే కూర్చుని ఎంజాయ్ చేయొచ్చు.