Sharukh Khan: కింగ్ ఖాన్ షారుఖ్ ఖాన్ ‘పఠాన్’ విడుదలైనప్పటి నుండి థియేటర్లలో సంబరాల వాతావరణం నెలకొంది. కొన్ని చోట్ల ప్రేక్షకులు థియేటర్లలో ఫ్యాన్స్ డ్యాన్స్ చేస్తూ, పటాకులు పేల్చుతున్నారు. ఈ మధ్య సరైన హిట్ లేక బాలీవుడ్ బాక్సాఫీస్ కరువులో ఉంది. ‘పఠాన్’ సినిమాతో చాలా కాలంగా ఉన్న కరువు తీరిపోయింది. ‘పఠాన్’ కేవలం 4 రోజుల్లోనే రూ.429 కోట్లు రాబట్టింది. కింగ్ ఖాన్ 4 సంవత్సరాల తర్వాత సినిమా తెరపైకి వచ్చాడు. అభిమానులు, ప్రేక్షకుల నుండి తనకు లభిస్తున్న ప్రేమను చూసి షారుక్ ఆనందానికి అవధులు లేవు. ఈ సందర్భంగా ఆయన అందరికి ప్రత్యేకంగా ధన్యవాదాలు తెలిపారు. షారూఖ్ ఖాన్ బంగ్లా ‘మన్నత్’ కింద భారీ సంఖ్యలో అభిమానులు గుమిగూడారు. షారూఖ్ ఖాన్ వారిని ఉత్సహపరుస్తూ ఇంటి బయటకు వచ్చి మన్నత్ బాల్కనీ ఎక్కాడు. షారుక్ని చూసి అభిమానులు కేకలు వేయడంతో పాటు అందరూ ఫొటోలు దిగారు. అభిమానులందరికీ షారుక్ పదే పదే చేతులు జోడించి, వారి అపారమైన ప్రేమకు ధన్యవాదాలు తెలిపాడు. షారుక్ అందరి ముందు తల వంచి కృతజ్ఞతలు చెప్పాడు.
Read Also: Mrunal Thakur: జగత్తు చూడని మహత్తు నీదేలే.. నీ నవ్వు తాకి తరించిపోరా కుర్రకారే
అంతే కాదు షారుక్ ఖాన్ ‘ఝూమే జో పఠాన్’ పాటలోని డ్యాన్స్ స్టెప్పులను కూడా అభిమానులకు చూపించాడు. షారుక్ బాల్కనీలో డ్యాన్స్ చేయడం ప్రారంభించగానే అభిమానులు కేకలు వేశారు. షారుక్ ఖాన్ వీడియో సోషల్ మీడియాలో వైరల్ అవుతోంది. సినిమా విడుదలైన తర్వాత, షారూఖ్ అభిమానులతో ట్విట్టర్లో ఆస్క్ SRK సెషన్ కూడా నిర్వహించారు. ఇందులో అభిమానులు, యూజర్ల ప్రశ్నలన్నింటికీ షారుక్ సమాధానమిచ్చారు. ‘పఠాన్’ను ఎందుకు ప్రమోట్ చేయలేదని షారుక్ని ఒక యూజర్ అడిగినప్పుడు, సింహాలు ఇంటర్వ్యూలు చేయవని, అందుకే తాను కూడా ఎలాంటి ఇంటర్వ్యూ ఇవ్వలేదని షారుక్ బదులిచ్చారు.
Read Also:Venkatesh: ఒక్క హిట్ తో వచ్చిన అవకాశం.. ఒక్క ప్లాప్ తో పాయే..?
‘పఠాన్’ చిత్రం గురించి మాట్లాడుతూ, ఇది జనవరి 25 న విడుదలైంది. సిద్ధార్థ్ ఆనంద్ దర్శకత్వం వహించిన ఈ చిత్రంలో దీపికా పదుకొణె, జాన్ అబ్రహం కూడా నటించారు. తొలిరోజు 55 కోట్లు రాబట్టిన ఈ సినిమా ఇప్పుడు 4 రోజుల్లో దేశవ్యాప్తంగా, ప్రపంచవ్యాప్తంగా 429 కోట్లు రాబట్టింది. ‘బాహుబలి 2’, ‘కేజీఎఫ్ 2’ చిత్రాలను బీట్ చేసి బిగ్గెస్ట్ ఓపెనింగ్ డే సినిమాగా ‘పఠాన్’ నిలిచింది.
